Lalita Dsilva : अनंत अंबानीच्या (Anant Ambani) लग्नातला एक फोटो सध्या सोशल मीडियावर (Social Media) तुफान व्हायरल होतोय. या फोटोमधली ही व्यक्ती नक्की कोण आहे, असा प्रश्न सध्या अनेकांना पडला आहे. ही व्यक्ती दुसरी तिसरी कुणी नसून अनंत अंबानीची नॅनी आहे. इतकंच नव्हे तर याच नॅनीने अनंतपासून ते करिनाच्या (Kareena Kapoor Khan) जेहपर्यंत सगळ्यांचा सांभाळ केला आहे. पण या नॅनीचा तुम्ही महिन्याचा पगार ऐकूनच थक्क व्हाल.
ललिता डीसिल्वा या अनंतला कायम बाबा म्हणून हाक मारायच्या. त्या तैमूरच्या देखील नॅनी होत्या. इतकचं नव्हे तर त्यांनी शाहिद आणि मीराचा मुलगा जुनैद याचा देखील सांभाळ केला आहे. पण सध्या त्यांच्या पगाराची जोरदार चर्चा सुरु आहे.
तैमुरच्या नॅनीचा पगार किती?
रिपोर्ट्सनुसार, ललिता या जेव्हा तैमुरच्या नॅनी होत्या, तेव्हा त्यांना दीड लाख रुपये पगार मिळायचा. त्याचप्रमाणे जेव्हा त्या जैनच्या नॅनी होत्या तेव्हा त्यांना 80 हजार रुपये पगार मिळत असल्याची माहिती समोर आली आहे. त्यामुळे त्यांचा महिन्याचा पगार ऐकून सगळ्यांनाच आश्चर्याचा धक्का बसला असल्याचं पाहायला मिळतंय.
अनंतच्या लग्नानिमित्त ललिता यांची खास पोस्ट
दरम्यान नुकत्याच पार पडलेल्या अनंत आणि राधिकाच्या लग्नसोहळ्याला देखील ललिता यांनी हजेरी लावली होती. त्यावेळी त्यांनी अनंतसाठी एक खास पोस्ट देखील केली होती. त्यामध्ये त्यांनी म्हटलं होतं की, 'डिस्ने वर्ल्ड पॅरिसमध्ये मी आणि अनंत आहे. येथूनच मी माझी बेबीसिटिंगची नोकरी सुरू केली. अनंत लहानपणी खूप गोड होता. आजही कुटुंबापासून ते सोशल ग्रुपमध्ये सगळेजण त्याच्यावर प्रेम करतात. आज त्याच्या आयुष्यातील सर्वात मोठा आणि महत्त्वाचा दिवस आहे. मी या जोडप्याला त्यांच्या लग्नासाठी शुभेच्छा देते.
ही बातमी वाचा :
PHOTO : अनंत अंबांनी आणि तैमूरमध्ये एक खास कनेक्शन, तुम्हाला माहितीय? समोर आलाय फोटो...