Kurup Official Trailer: 'कुरुप' सिनेमाचा ट्रेलर प्रदर्शित, Anurag Kashyap ची ट्वीट करत माहिती

Kurup Official Trailer: आज 'कुरुप' या हिंदी सिनेमाचा ट्रेलर प्रदर्शित करण्यात आला आहे. अनुराग कश्यपने ट्वीट करत यासंदर्भात माहिती दिली आहे.

Kurup Official Trailer: आज 'कुरुप' या हिंदी सिनेमाचा ट्रेलर प्रदर्शित करण्यात आला आहे. अनुराग कश्यपने ट्वीट करत यासंदर्भात माहिती दिली आहे. 

Kurup Official Hindi Trailer: 'कुरुप' या हिंदी सिनेमाचा ट्रेलर प्रदर्शित करण्यात आला आहे. दिवाळीत धमाका केल्याने चाहत्यांमध्येदेखील सिनेमाबाबत उत्सुकता दिसून येत आहे. 'कुरुप' सिनेमाचा अधिकृत ट्रेलर आज यूट्यूबवर प्रदर्शित करण्यात आला आहे. हा सिनेमा 12 नोव्हेंबरला प्रेक्षकांच्या भेटीला येणार आहे.  

'कुरुप' सिनेमा सत्यघटनेवर आधारित सिनेमा आहे. केरळमधील सुकुमार कुरुप नावाच्या व्यक्तीवर सिनेमा भाष्य करतो. सिनेमात शोभिता धुलीपाला, इंद्रजीत सुकुमारन, शिने टॉम चैको, सन्नी वायने आणि भारत निवास हे कलाकार दिसून येणार आहेत. या चित्रपटाचे शूटिंग मुंबई, केरळ, दुबई, बंगळुरू, म्हैसूर आणि अहमदाबादमध्ये झाले होते. या चित्रपटाला सुशिन श्याम यांनी संगीत दिले आहे. 

'कुरुप' सिनेमात प्रेक्षकांना रोमांच, आतुरता, उत्कंठावर्धक आशय आणि नाट्य पाहायला मिळणार आहे. सिनेमाचा ट्रेलर पाहिल्यानंतर प्रेक्षका आता सिनेमाची प्रतिक्षा करत आहेत. सिनेमात पोलिस आणि गुन्हेगाराची अॅक्शन पाहायला मिळणार आहे. हा सिनेमा जगभरातील सिनेमागृहांत प्रदर्शित करण्यात येणार आहे.

जाणून घ्या 'हे'  चित्रपट कधी होणार प्रदर्शित
जॉन अब्राहमचा सत्यमेव जयते 2 सिनेमा 26 नोव्हेंबरला प्रदर्शित होणार आहे. सुनील शेट्टीची मुलगी अहान शेट्टीचा चित्रपट 'तडप' 3 डिसेंबर 2021 ला प्रदर्शित होणार आहे. कार्तिक आर्यनचा 'भूल भुलैया 2' 19 नोव्हेंबरला प्रदर्शित होणार आहे. अजय देवगन, रकुलप्रीत आणि अमिताभ बच्चनचा'May Day' 29 एप्रिल 2022 ला सिनेमागृहात प्रदर्शित होणार आहे. शाहिद कपूर आणि मृणाल ठाकुरचा 'जर्सी' सिनेमा 31 डिसेंबर 2021 ला प्रदर्शित होणार आहे. रणवीर कपूर, वाणी कपूर आणि संजय दत्त 'शमशेरा' चित्रपटातून प्रेक्षकांच्या भेटीला येणार आहेत. हा सिनेमा 18 मार्च,2022 ला प्रदर्शित होणार आहे.