Koffee with Karan 8:
कॉफी विथ करणच्या प्रोमोमध्ये दिसत आहे की करण आदित्यला प्रश्न विचारतो, "तू अनन्या पांडे आणि श्रद्धा कपूरसोबत एका लिफ्टमध्ये अडकला असता, तर काय करशील?" या प्रश्नाचं उत्तर आदित्यच्या ऐवजी अर्जुन देतो. तो म्हणतो, 'आशिकी तो करेंगे ही ये नहीं पता किस के साथ', अर्जुनच्या या उत्तरानं अनेकांचे लक्ष वेधले.
प्रोमोमध्ये दिसत आहे की, करणने आदित्य रॉय कपूरला अनन्या पांडेबद्दल विचारला आहे, या प्रश्नाला आदित्यनं खूप मजेदार उत्तर दिले आहे. करण आदित्यला विचारतो, "तू अनन्या पांडेला डेट करतोयस का?" यावर आदित्य म्हणाला, "मला कोणतीही रहस्ये विचारू नको कारण मी तुला खोटं बोलणार नाही"
पाहा प्रोमो:
आदित्य आणि अनन्या हे गेल्या काही दिवसांपासून एकमेकांना डेट करत आहेत, असे म्हटले जात आहे. या दोघांना अनेक ठिकाणी एकत्र स्पॉट करण्यात आलं. अनन्या पांडे देखील जेव्हा कॉफी विथ करणमध्ये आली होती, तेव्हा देखील तिला आदित्यबद्दल प्रश्न विचारण्यात आले होते. पण अनन्यानं तिच्या डेटिंगच्या चर्चांबद्दल स्पष्टपणे सांगितलं नाही.
तसेच अर्जुन आणि मलायका यांच्या डेटिंगची चर्चा देखील अनेकवेळा सोशल मीडियावर होत असते. मलायका आणि अर्जुन हे एकमेकांसोबतचे फोटो देखील सोशल मीडियावर शेअर करतात. आता कॉफी विथ करणच्या आगामी एपिसोडमध्ये अर्जुन आणि आदित्य हे त्यांच्या वैयक्तिक आयुष्याबद्दल काय-काय सांगणार? याकडे अनेकांचे लक्ष लागले आहे.
कॉफी विथ करण या कार्यक्रमाच्या 8 व्या सीझनमध्ये आतापर्यंत दीपिका पादुकोण,रणवीर सिंह, बॉबी देओल, सनी देओल, आलिया भट्ट, करीना कपूर,वरुण धवन,सिद्धार्थ मल्होत्रा, राणी मुखर्जी, काजोल, विकी कौशल, कियारा आडवणी या सेलिब्रिटींनी हजेरी लावली आहे.
संबंधित बातम्या: