सलमान खान हृतिक रोशनवर नाराज असल्याचं वृत्त आहे. आयफा 2016 पुरस्कार सोहळ्यात सलमान आणि हृतिकमध्ये वाद झाले होते. याला सलमानची जवळची अभिनेत्री समजली जाणारी डेझी शाह कारणीभूत ठरली होती.
आयफा सोहळ्यात सलमानने हृतिकला डेझीसोबत परफॉर्म करण्यास सांगितलं होतं. पण हृतिकने यासाठी साफ नकार दिला. इतकंच नाही तर डेझीसोबत स्टेज शेअर करणार नाही, असं हृतिकने आयफा आयोजकांनाही सांगितलं.
याआधी सलमान आणि हृतिक यांच्यात कटुता आल्याचं वृत्त होतं. हृतिक रोशनच्या 'गुजारिश'वर थेट वार करत सलमान म्हणाला होता की, "कुत्राही या सिनेमा पाहण्यासाठी जाणार नाही." सलमानच्या या विधानावर चित्रपटाचे दिग्दर्शक संजय लीला भन्साली यांनी नाराजी व्यक्त केली होती.