Lets dance Chotu Motu Song: 'यो यो हनी सिंह' चा स्वॅग, सलमान खानचा जबरदस्त डान्स; 'किसी का भाई किसी की जान' मधील 'छोटू मोटू' गाणं पाहिलंत?

'किसी का भाई किसी की जान' (Kisi Ka Bhai Kisi Ki Jaan) या चित्रपटातील  'लेट्स डांस छोटू मोटू' (Lets dance Chotu Motu) हे गाणं प्रेक्षकांच्या भेटीस आलं आहे.

Lets dance Chotu Motu Song: अभिनेता सलमान खानच्या (Salman Khan) आगामी चित्रपटांची प्रेक्षक उत्सुकतेने वाट बघत असतात. सलमानचा 'किसी का भाई किसी की जान' (Kisi Ka Bhai Kisi Ki Jaan) हा चित्रपट लवकरच प्रेक्षकांच्या भेटीस येणार आहे. या चित्रपटातील 'नय्यो लगदा' आणि  'बिल्ली बिल्ली' ही दोन गाणी प्रेक्षकांच्या भेटीस आली. या गाण्यांना प्रेक्षकांची पसंती मिळाली. आता या चित्रपटातील  'लेट्स डांस छोटू मोटू' (Lets dance Chotu Motu) हे गाणं प्रेक्षकांच्या भेटीस आलं आहे. या गाण्यात गायक आणि रॅपर यो यो हनी सिंहचा (Yo Yo Honey Singh) हटके अंदाज बघायला मिळत आहे. तर या गाण्याचा काही भाग सलमान खाननं देखील गायला आहे.

सलमान खाननं मंगळवारी (18 एप्रिल) त्याचा एक फोटो सोशल मीडियावर शेअर केला. हा फोटो शेअर करुन सलमाननं कॅप्शनमध्ये लिहिलं, 'माझ्या छोटू फॅन्ससाठी हे गाणं. तुमच्या मगान मुलांना हे गाणं ऐकवा.' 'लेट्स डांस छोटू मोटू' या गाण्यात सलमान खानसोबतच चित्रपटातील इतर कलाकार देखील थिरकताना दिसत आहेत. 

पाहा गाणं :

'किसी का भाई किसी की जान' ची तगडी स्टार कास्ट

'किसी का भाई किसी की जान' या चित्रपटाची निर्मिती सलमान खानसह साजिद नाडियाडवालाने केली आहे. या चित्रपटात पूजा आणि सलमानची जोडी पाहण्यासाठी प्रेक्षक उत्सुक आहेत. या चित्रपटात सलमान आणि पूजा यांच्यासोबत शहनाज गिल, भूमिका चावला, साऊथ सुपरस्टार वेकेंटश दग्गुबाती, पलक तिवारी, सिद्धार्थ निगम, जस्सी गिल हे कलाकार  देखील प्रमुख भूमिका साकारणार आहेत.  'किसी का भाई किसी की जान' हा सलमान खानचा बहुचर्चित सिनेमा 21 एप्रिल 2023 रोजी प्रेक्षकांच्या भेटीला येणार आहे.

सलमानचे आगामी चित्रपट

'किसी का भाई किसी की जान' या चित्रपटाबरोबरच सलमानचा 'टायगर-3' हा चित्रपटदेखील लवकरच प्रेक्षकांच्या भेटीस येणार आहे. किक-2 तसेच नो एन्ट्रीच्या सिक्वेलमधून सलमान प्रेक्षकांच्या भेटीस येणार आहे.

 इतर महत्वाच्या बातम्या: