Kili Paul: इन्टाग्रामवरील रिल्स नेटकऱ्यांना बघायला आवडतात. वेगवेगळ्या कलाकारांच्या गाण्यावरील डान्सचे रिल्स सध्या अनेक लोक सोशल मीडियावर (Social Media) शेअर करत आहेत. टांझानियाचा (Tanzania) किली पॉल (kili paul) हा सोशल मीडियावर चर्चेत आहे. किली पॉल हा वेगवेगळ्या गाण्यांवर रिल्स तयार करतो. तो बॉलिवूड, साऊथ या चित्रपटांमधील गाण्यांवर थिरकताना अनेकदा दिसतो. नुकताच किली पॉलनं एक खास व्हिडीओ सोशल मीडियावर शेअर केला आहे. या व्हिडीओमध्ये किली पॉल हा मराठी गाण्यावर थिरकताना दिसत आहे.
सलमान अन् रितेशच्या गाण्यावर थिरकला किली पॉल
किली पॉलनं वेड लावलंय या गाण्यावरील डान्सचा व्हिडीओ शेअर केला आहे. त्याच्या या व्हिडीओला नेटकऱ्यांची पसंती मिळत आहे. किली पॉलनं शेअर केलेल्या व्हिडीओमध्ये दिसत आहे की, तो आणि त्याची बहीण नीमा पॉल हे दोघे 'वेड लागलंय' या गाण्याची हूक स्टेप करताना दिसत आहेत.
किली पॉलच्या व्हिडीओला नेटकऱ्यांची पसंती
किली पॉलनं शेअर केलेल्या व्हिडीओला पाच मिलियनपेक्षा जास्त व्ह्यूज मिळाले आहेत. तर अनेकांनी या व्हिडीओला कमेंट्स केल्या आहेत. या व्हिडीओला रितेश देशमुखनं कमेंट केली, 'You guys are simply awesomeeeeee - love you'
पाहा व्हिडीओ:
वेड लागलंय या गाण्यामधील सलमान खान आणि रितेश देशमुख यांच्या डान्सला प्रेक्षकांची पसंती मिळाली. रितेश आणि जिनिलिया देशमुख यांच्या वेड या चित्रपटामधील हे गाणं आहे. वेड हा चित्रपट 30 डिसेंबर 2022 रोजी प्रदर्शित झाला. या चित्रपटानं रिलीज झाल्यानंतर पहिल्या दिवशी कोट्यवधींची कमाई केली. या चित्रपटातील बेसुरी, सुख कळले, वेड लागलंय या गाण्यांना प्रेक्षकांची पसंती मिळत आहे.
वाचा इतर महत्वाच्या बातम्या:
Ved : "भाऊ अन् वहिणीने लावलयं 'वेड"; अभिषेक बच्चनने रितेश-जिनिलायाचं केलं जाहीर कौतुक