Katrina Vicky Wedding : कतरिना-विकीच्या लग्नसोहळ्याला सुरुवात, वराची होणार शाही एन्ट्री

एबीपी माझा वेब टीम Updated at: 09 Dec 2021 04:29 PM (IST)

Edited By: मंजिरी पोखरकर

Katrina Vicky Marriage : कतरिना कैफ आणि विकी कौशलच्या लग्नाचे विधी सिक्स सेन्स फोर्टवर सुरू झाले आहेत. विकी-कतरिनाच्या लग्नासाठी खास दिल्लीहून फुले मागवण्यात आली आहेत.

कतरिना-विकी

Katrina Kaif Vicky Kaushal Wedding : कतरिना कैफ (Katrina Kaif) आणि विकी कौशलच्या (Vicky Kaushal) लग्नाबाबत चाहत्यांमध्ये चांगलीच उत्सुकता आहे. विकी कौशल आणि कतरिना कैफ थोड्याच वेळात लग्नबंधनात अडकणार आहेत. त्यांच्या लग्नाचे विधी आता सिक्स सेन्स फोर्टवर सुरू झाले आहेत.

विकी आणि कतरिनाचे लग्न एखाद्या ड्रीम वेडिंगपेक्षा कमी नाही. विकी आणि कतरिनाच्या लग्नाच्या सजावटीसाठी दिल्लीतील गाझीपूरमधून 1500 किलो फुलं मागवण्यात आली आहेत. 8 डिसेंबरच्या रात्रीच वेगवेगळ्या प्रकारच्या फुलांचे तीन ट्रक सिक्स सेन्स किल्ल्यावर पोहोचले होते. कतरिना आणि विकीच्या लग्नाचा मंडप फुलांनी सजवण्यात आला आहे.

सिक्स सेन्स फोर्टच्या मर्दाना महलासमोरील मोकळ्या बागेत विकी कतरिनाच्या स्वप्नातील लग्नाचा मंडप उभारला गेला आहे. काही वेळातच विकी-कतरिना विवाहबंधनात अडकणार आहेत. विकी राजेशाही पद्धतीने राजवाड्यात प्रवेश करणार आहे. दोघांचे फुलांचा वर्षाव करत स्वागत करण्यात येणार आहे. विकी कौशल आणि कतरिना कैफ यांचा विवाह शाही आणि पारंपारिक पद्धतीने होणार आहे. जोधपूरहून वधू-वरांसाठी खास पगड्या मागवण्यात आल्या आहेत.

कतरिना आणि विकीच्या लग्नाच्या ठिकाणी कॅमेरा आणि मोबाईल वापरावर बंदी घालण्यात आली आहे. लग्नाची जबाबदारी पार पाडणाऱ्या एजेन्सीनं फोटो अथवा व्हिडीओ लीक होऊ नये, याची पूर्ण काळजी घेतली आहे. कतरिना कैफ आणि विकी कौशलचा विवाह सोहळा 700 वर्षे जुन्या राजस्थानमधील किल्ल्यात पार पडणार आहे. विवाहासाठी सवाई माधोपूर येथील एक रिसॉर्ट बुक करण्यात आला आहे. बरवाडा किल्ल्याला खास विद्युत रोषणाई करण्यात आली आहे.

संबंधित बातम्या