3 Idiots Sequel: थ्री इडियट्स (3 Idiots) हा चित्रपट रिलीज होऊन 14 वर्ष झाले आहेत. तरी देखील अनेक जण आजही हा चित्रपट आवडीनं बघतात. हा चित्रपट 2009 मध्ये प्रेक्षकांच्या भेटीस आला. त्यावेळी या चित्रपटानं बॉक्स ऑफिसवर रेकॉर्ड ब्रेक कमाई केली होती. दिग्दर्शक राजकुमार हिराणी (Rajkumar Hirani) यांनी थ्री इडियट्स या चित्रपटाचं दिग्दर्शन केलं. या चित्रपटाचा दुसरा भाग लवकरच प्रेक्षकांच्या भेटीस येणार आहे, असं म्हटलं जात आहे. नुकताच अभिनेत्री करीना कपूरनं (Kareena Kapoor) एक व्हिडीओ सोशल मीडियावर शेअर केला. या व्हिडीओमध्ये अभिनेता आमिर खान (Aamir Khan), आर. माधवन (R. Madhavan) आणि शर्मन जोशी (Sharman Joshi) यांचा एक फोटो दिसत आहे. या फोटोवर 'इडियट्स' असं लिहिलेलं दिसत आहे.
करीनानं शेअर केला व्हिडीओ
करीनानं इन्स्टाग्रामवर एक व्हिडीओ शेअर केला. या व्हिडीओमध्ये करीना म्हणते, हे तिघे आमच्यापासून काही तरी लपवत आहेत. कदाचित हे सिक्वेलबाबत विचार करत आहेत. पण हा सिक्वेल माझ्याशिवाय कसा होऊ शकतो? मला याबद्दल बोमन ईराणीसोबत बोलावं लागेल. 'थ्री-इडियट्स-2' (3 Idiots Sequel) रिलीज होणार आहे का? असा प्रश्न आता करीनानं शेअर केलेला हा व्हिडीओ व्हायरल झाल्यानंतर नेटकऱ्यांना पडला आहे. करीनानं शेअर केलेल्या व्हिडीओला अनेक नेटकऱ्यांनी लाइक्स आणि कमेंट्स केल्या आहेत. थ्री-इडियट्स चित्रपटाच्या मेकर्सनं अजून चित्रपटाच्या सिक्वेलबाबत कोणतीही माहिती दिली नाही.
पाहा व्हिडीओ
थ्री इडियट्सची तगडी स्टार कास्ट
थ्री इडियट्स या चित्रपटामध्ये आमिर खान, आर. माधवन, शर्मन जोशी यांच्या बरोबरच करीना कपूर, बोमन इराणी आणि मोना सिंह यांनी देखील प्रमुख भूमिका साकारली होती. या चित्रपटाचं दिग्दर्शन दिग्दर्शक राजकुमार यांनी केलं असून चित्रपटाची निर्मिती विधू विनोद चोप्रा यांनी केली. या चित्रपटामधील कलाकारांच्या अभिनयाला आणि डायलॉग्सला प्रेक्षकांची पसंती मिळाली. या चित्रपटानं बॉक्स ऑफिसवर रेकॉर्ड ब्रेक कमाई केली होती. चित्रपटानं जवळपास 400 कोटी कमावले होते.
महत्वाच्या इतर बातम्या: