Karan Johar : बॉलिवूडला सध्या उतरती कळा लागली आहे. एकामागोमाग एक मोठे चित्रपट बॉक्स ऑफिसवर सपाटून आपटत आहेत. सध्या सोशल मीडियावरही ‘बॉयकॉट’चा ट्रेंड सुरु आहे. प्रेक्षक बॉलिवूड इंडस्ट्रीवर नाराज झाले आहेत. याच बॉयकॉटच्या नाऱ्याचा धसका आता निर्माता-दिग्दर्शक करण जोहरनेही (Karan Johar) घेतला आहे. लवकरच करण जोहरचा बहुचर्चित ‘लायगर’ (Liger) हा चित्रपट प्रेक्षकांच्या भेटीला येणार आहे. मात्र, सध्या बॉलिवूड बॉक्स ऑफिसची परिस्थिती पाहता करण जोहर देखील चिंतेत पडला असून, त्याने एक मोठा निर्णय घेतल्याचे कळते आहे.
करण जोहर त्याचा आगामी ‘लायगर’ हा चित्रपट आधी साऊथ भाषेत दाक्षिणात्य भागांमध्ये रिलीज करणार असल्याचे म्हटले जात आहे. 'लायगर' 25 ऑगस्टला रिलीज होत आहे, ज्यासाठी संपूर्ण टीम मेहनत करत आहे. चित्रपटाचे मुख्य कलाकार अनन्या पांडे आणि विजय देवरकोंडा देशातील विविध शहरांमध्ये जाऊन चित्रपटाचे प्रमोशन करत आहेत. दरम्यान, मीडिया रिपोर्ट्सनुसार, करण जोहर दक्षिण भारतात ‘लायगर’ पहिल्यांदा रिलीज करण्याच्या तयारीत आहे.
साऊथमध्ये मिळू शकतो चांगला प्रतिसाद
मीडिया रिपोर्ट नुसार, करण त्याचा ‘लायगर’ हा चित्रपट आधी साऊथमध्ये आणि त्यानंतर हिंदीत प्रदर्शित करणार आहे. रिपोर्टमध्ये असे म्हटले आहे की, दाक्षिणात्य चित्रपटांचा बॉक्स ऑफिसवर चांगला दबदबा दिसून येत आहे. याचाच फायदा या चित्रपटाला मिळू शकतो. याच गोष्टींचा विचार करून करण जोहरने हा निर्णय घेतला असल्याचे बोलले जात आहे. चांगला रिव्ह्यू आणि कलेक्शनमुळे लोकांना या चित्रपटाकडे वळवता येऊ शकते.
विजय देवरकोंडा करणार बॉलिवूडमध्ये पदार्पण
दाक्षिणात्य चित्रपटसृष्टीतील प्रसिद्ध अभिनेता विजय देवरकोंडा हा ‘लायगर’ या चित्रपटातून बॉलिवूडमध्ये पदार्पण करणार आहे. या चित्रपटाचा ट्रेलर काही दिवसांपूर्वी रिलीज झाला होता. चित्रपटाच्या ट्रेलरमधील विजयच्या अभिनयानं अनेकांचे लक्ष वेधले होता. हा चित्रपट 25 ऑगस्ट 2022 रोजी रिलीज होणार आहे. ‘लायगर’ चित्रपटाचे दिग्दर्शन पुरी जन्ननाथ यांनी केले आहे. तर चित्रपटाची निर्मिती ही करण जोहरनं केली आहे. मुंबई, अमेरिका, लास वेगास, हैदराबाद इत्यादी ठिकाणी 'लायगर' या चित्रपटाचे शूटिंग केले आहे.
‘लायगर’ प्रदर्शनापूर्वीच चर्चेत
‘लायगर’ चित्रपटाचे दिग्दर्शन पुरी जन्ननाथ यांनी केले आहे. तर चित्रपटाची निर्मिती ही करण जोहरनं केली आहे. 'लायगर' हा चित्रपट 25 ऑगस्टला सिनेमागृहात रिलीज होणार आहे. मुंबई, अमेरिका, लास वेगास, हैदराबाद इत्यादी ठिकाणी 'लायगर' या चित्रपटाचे शूटिंग केले आहे. काही दिवसांपूर्वी या चित्रपटातील 'अकडी पकडी' हे गाणं रिलीज झालं. ‘लायगर’चे पोस्टर काही दिवसांपूर्वी रिलीज झाले होते. या पोस्टरला अनेकांची पसंती मिळाली.
हेही वाचा: