Kangana Ranaut On Bonding With Chirag Paswan : बॉलिवूड अभिनेत्री कंगना राणौत सध्या तिच्या आगामी 'इमर्जन्सी' चित्रपटामुळे चर्चेत आहे. कंगना राणौत दिग्दर्शित या चित्रपटात तिच्याशिवाय अनुपम खेर, श्रेयस तळपदे आणि मिलिंद सोनम यांच्याही प्रमुख भूमिका आहेत. या चित्रपटात कंगना राणौत देशाच्या माजी पंतप्रधान इंदिरा गांधी यांची भूमिका साकारत आहे. नुकताच या चित्रपटाचा ट्रेलर रिलीज झाला, जो लोकांना खूप आवडला.
कंगना 'इमर्जन्सी' चित्रपटाच्या प्रमोशनमध्ये व्यस्त
2024 च्या लोकसभा निवडणुकीत जिंकल्यापासून कंगना रणौत खूप चर्चेत आहे. सध्या ती त्याच्या आगामी 'इमर्जन्सी' चित्रपटाच्या (Emergency Film) प्रमोशनमध्ये व्यस्त आहे. दरम्यान, तिने अभिनेता आणि खासदार चिराग पासवानसोबतच्या व्हायरल फोटोंवर प्रतिक्रिया दिली आहे. कंगना आणि चिराग पासवान जेव्हा एकमेकांना संसदेत भेटले होते. दोघांच्या भेटीचे फोटो आणि व्हिडीओ सोशल मीडियावर व्हायरल झाले होते. यावर कंगनाने तिच्या स्टाईलने प्रतिक्रिया दिली आहे.
चिराग पासवानसोबतच्या बॉन्डिंगवर कंगनाची प्रतिक्रिया
हिमाचल प्रदेशातील मंडीमधून खासदार झाल्यानंतर कंगना राणौत (Kangana Ranaut) आणि चिराग पासवान यांच्याशी संसदेत घेतलेली भेट खूप चर्चेत होती. दोघांचे फोटो आणि व्हिडीओ व्हायरल झाले होते. त्यांची मैत्री आणि चित्रपटाबद्दल चर्चा सुरु झाली होती. कंगना रणौतने सांगितलं की, आमच्या भेटीचे फोटो आणि व्हिडीओ व्हायरल झाल्यानंतर तिला संसदेत पाहून चिराग पासवान आपला रस्ता बदलतात.
'आता तो मला बघून रस्ता बदलतो'
कंगना रणौत तिच्या आगामी 'इमर्जन्सी' चित्रपटामुळे सध्या चर्चेत आहे. चित्रपटाच्या प्रमोशनदरम्यान, कंगना रणौतला चिराग पासवाससोबतच्या फोटोंबद्दल मुलाखतीत प्रतिक्रिया दिली आहे. 'कमीतकमी आम्हाला संसदेत तरी सोडा', असं तिनं सांगितलं. चिराग पासवानसोबतच्या मैत्रीबद्दल कंगना रणौत हसत हसत म्हणाली, 'मी चिरागला खूप काळापासून ओळखते. तो माझा चांगला मित्र आहेत. त्याने मला अनेकदा हसवल्यामुळे लोक त्याच्या मागे लागले आहेत. आता तो मला पाहून रस्ता बदलतो'. आज तकला दिलेल्या मुलाखतीत तिने हे वक्तव्य केलं आहे. कंगना रणौत आणि चिराग पासवान यांनी मिले ना मिले हम (Miley Naa Miley Hum) या चित्रपटात एकत्र काम केलं आहे.
महत्त्वाच्या इतर बातम्या :