कमल हसनला किमान एका महिन्याची सक्तीची विश्रांती डॉक्टरांनी सांगितली असून मागच्याच आठवड्यात त्याने आपल्या आगामी त्रिभाषी सिनेमासाठी दुसऱ्या शेड्यूलच्या शूटिंगची तयारी दाखवली होती. परंतु काही कारणांमुळे या सिनेमाचे शूटिंग सप्टेंबरपर्यंत पुढे ढकलण्यात आले.
कमल हसन सध्या 'शब्बास नायडू'च्या दिग्दर्शनासोबतच अभिनयही करतो आहे. हा सिनेमा तामिळ, तेलुगू आणि हिंदी या तिन्ही भाषांमध्ये बनत असून संगीत इलयाराजा यांनी दिले आहे. हा सिनेमा पुढील वर्षी प्रदर्शित होईल.