Jug Jug Jeeyo Song Out : बॉलिवूड अभिनेता वरुण धवन (Varun Dhawan), कियारा आडवाणी (Kiara Advani), नीतू कपूर (Neetu Kapoor) आणि अनिल कपूरच्या (Anil Kapoor) 'जुग जुग जिओ' (Jug Jugg Jeeyo) या सिनेमाची प्रेक्षक प्रतीक्षा करत आहेत. सिनेमाचा ट्रेलर प्रेक्षकांच्या पसंतीस उतरला होता. त्यानंतर सिनेमातील 'रंगसारी' (Rangisari) हे गाणं रिलीज झाले . या गाण्यात वरुण धवन आणि कियारा आडवाणी रोमॅंटिक अंदाजात दिसले होते. आता सिनेमातील 'दुपट्टा' (Duppata) हे गाणं प्रेक्षकांच्या भेटीला आले आहे.
'दुपट्टा' हे पार्टी सॉंग आहे. सुरजीत बिंद्राखिया यांनी या गाण्याचे बोल लिहिले आहेत. शमशेर संधू आणि श्रेया घोषालने हे गाणं गायले आहे. टी-सीरिजने त्यांच्या अधिकृत चॅनलवर हे गाणं रिलीज केले आहे. 'दुपट्टा तेरा सतरंग दा' असे या गाण्याचे बोल आहेत. याआधी सिनेमातील रंगीसारी हे गाणं प्रेक्षकांच्या पसंतीस उतरले होते.
'नाच पंजाबन' गाण्याने घातला धुमाकूळ
'जुग जुग जिओ' सिनेमातील 'रंगसारी' हे दुसरे गाणं आहे. याआधी 'नाच पंजाबन' हे गाणं प्रेक्षकांच्या भेटीला आलं होतं. अवघ्या काही दिवसांतच हे गाणं सुपरहिट झालं होतं. या सिनेमात वरुण धवन, कियारा आडवाणी, अनिल कपूर, नीतू कपूर व्यतिरिक्त यूट्यूबर प्राजक्ता कोळी आणि मनीष पॉलदेखील दिसून येणार आहेत. करण जोहर प्रोडक्शनच्या बॅनरखाली या सिनेमाची निर्मिती करण्यात आली आहे. तर राज मेहता यांनी या सिनेमाच्या दिग्दर्शनाची धुरा सांभाळली आहे.
24 जूनला सिनेमा येणार प्रेक्षकांच्या भेटीला
कोरोनामुळे या सिनेमाचे शूटिंग पुढे ढकलण्यात आले होते. शूटिंगदरम्यान सिनमातील कलाकारांना कोरोनाची लागण झाली होती. आता हा सिनेमा 24 जून 2022 रोजी प्रेक्षकांच्या भेटीला येणार आहे. नीतू कपूर आणि अनिल कपूर या सिनेमाच्या माध्यमातून पहिल्यांदाच स्क्रीन शेअर करताना दिसणार आहेत. सिनेमात असणाऱ्या तगड्या स्टारकास्टमुळे प्रेक्षक या सिनेमाची आतुरतेने वाट पाहत आहेत.
संबंधित बातम्या