Jug Jugg Jeeyo Box Office Collection : जुग जुग जियो (Jug Jug Jeeyo) या चित्रपटानं पहिल्या आठवड्यात बॉक्स ऑफिसवर धुमाकूळ घातला आहे. या चित्रपटामध्ये अनिल कपूर (Anil Kapoor), नीतू कपूर (Neetu Kapoor), कियारा आडवाणी (Kiara Advani) आणि वरुण धवन (Varun Dhawan) यांनी प्रमुख भूमिका साकारली. जुग जुग जियो या चित्रपटाचं प्रेक्षक आणि क्रिटिक्स हे दोघेही कौतुक करत आहेत. या चित्रपटानं आत्तापर्यंत 36 कोटींची कमाई केली आहे. जाणून घेऊयात या चित्रपटाचे तीन दिवसांचे कलेक्शन
जुग जुग जियो या चित्रपटानं ओपनिंग-डे दिवशी 9.28 कोटींचे कलेक्शन केलं आहे. त्यानंतर दुसऱ्या दिवशी म्हणजेच शनिवारी या चित्रपटानं 12.55 कोटींची कमाई केली. तीसऱ्या दिवशी म्हणजेच रविवारी या चित्रपटानं 15.10 कोटींची कमाई केली आहे. या चित्रपटाची तीन दिवसांची एकूण कमाई 36.93 कोटी आहे. चित्रपटाची आत्तापर्यंतची कमाई पाहिली तर सोमवारी देखील हा चित्रपट चांगली कमाई करेल, असा अंदाज लावला जात आहे. तरण आदर्श यांनी एक ट्वीट शेअर करुन जुग जुग जियो या चित्रपटाच्या बॉक्स ऑफिस कलेक्शनबाबत सांगितलं.
'जुग जुग जियो' या चित्रपटामध्ये वरुण सूद देखील काम करणार आहे. या चित्रपटाचे दिग्दर्शन राज मेहता यांनी केलं आहे. तसेच, धर्मा प्रोडक्शन, वायकॉम 18 यांनी या चित्रपटाची निर्मिती केली आहे. ‘जुग जुग जियो’ या चित्रपटाचे प्रमोशन करण्यासाठी या चित्रपटामधील कलाकारांनी ‘सुपरस्टार सिंगर 2’ या शोमध्ये देखील हजेरी लावली होती. 'जुग जुग जियो' चित्रपटातील 'रंगसारी', 'नाच पंजाबन' या गाण्यांना प्रेक्षकांची पसंती मिळाली आहे. यूट्यूबर प्राजक्ता कोळी आणि अभिनेता मनीष पॉल हे देखील या चित्रपटामध्ये महत्त्वाची भूमिका साकारत आहेत. राज मेहता दिग्दर्शित 'जुगजुग जियो' हा एक कौटुंबिक विनोदी-ड्रामा चित्रपट आहे, जो विवाह, घटस्फोट आणि गुंतागुंतीच्या नातेसंबंधांभोवती फिरतो. हा चित्रपट 24 जून रोजी मोठ्या पडद्यावर प्रदर्शित झाला.
हेही वाचा:
Jug Jugg Jeeyo Review : नात्यांची गुंफण जपणारा...'जुग जुग जिओ'