शाहरुखला आर्यन, सुहाना आणि अबराम ही तीन मुलं आहेत. नुकतंच शाहरुखने आपल्या चौथ्या बाळाची मनिषा व्यक्त केली. विशेष म्हणजे शाहरुखला मुलगी हवी असून तिचं नाव 'आकांक्षा' ठेवण्याचा मानसही त्याने बोलून दाखवला.
'टेड टॉक्स' या कार्यक्रमाच्या शूटिंगच्या वेळी शाहरुखने आपली इच्छा बोलून दाखवली. आकांक्षा हे नाव उच्चारताना शाहरुख अडखळत होता. त्यामुळे त्याला अनेक टेक्स घ्यावे लागले, असं 'पिंकविला' या बॉलिवूड वेबसाईटने म्हटलं आहे.
'मी आकांक्षा हे नाव घेताना खूप अडखळत आहे, आणि यामुळे मला कसंनुसं वाटतंय, कारण यापूर्वी माझ्यासोबत कधीच असं झालं नाही. मला वाटतं लवकरच मला चौथं बाळ होणार आहे आणि मी तिचं नाव आकांक्षा ठेवणार आहे.' असं शाहरुख म्हणाला. शाहरुखचा सेन्स ऑफ ह्युमर जगजाहीर असल्यामुळे .
शाहरुख सध्या आनंद एल राय दिग्दर्शित 'झिरो' चित्रपटाचं शूटिंग करत आहे. या सिनेमात अनुष्का शर्मा आणि कतरिना कैफ झळकणार आहेत.