Independence Day 2022 : आज (15 ऑगस्ट) आपल्या भारत देशाला स्वातंत्र्य मिळून 75वर्षे पूर्ण होत आहेत. देशभरात आज हा स्वातंत्र्याचा अमृत महोत्सव (Independence Day 2022 ) साजरा केला जात आहे. या खास निमित्ताने देशभरात ‘हर घर तिरंगा’ (Har Ghar Tiranga) हा उपक्रम राबवला जात आहे. सामान्य माणसांपासून ते कलाकारांपर्यंत सर्वजण या उपक्र्र्मात सहभागी होत आहेत. या खास सेलिब्रेशनसाठी बॉलिवूड सेलिब्रिटीही आपल्या घरात तिरंगा फडकावून सहभागी होत आहेत. अभिनेता शाहरुख खान (Shah Rukh Khan) याने ‘मन्नत’वर तिरंगा फडकावत या उपक्रमात सहभाग घेतला आहे. शाहरुख खानने पत्नी गौरी खान (Gauri Khan) आणि मुले आर्यन खान (Aryan Khan) आणि अबराम खान (Abram Khan) यांच्यासह त्यांच्या घरी अर्थात 'मन्नत' वर तिरंगा फडकावला आणि 'हर घर तिरंगा' मोहिमेत सहभाग नोंदवला.
बॉलिवूड किंग अभिनेता शाहरुख खान याने हा व्हिडीओ आपल्या सोशल मीडिया अकाऊंटवरून शेअर केला आहे. तसेच, त्याने चाहत्यांना आणि देशवासीयांना स्वातंत्र्य दिनाच्या शुभेच्छा दिल्या आहेत. तिरंगा फडकवल्यानंतर शाहरुख खानने कुटुंबासोबत फोटो देखील काढला. या फोटोत शाहरुख खानसह त्याची पत्नी गौरी खान आणि मुले अबराम आणि आर्यन दिसत आहेत.
किंग खानने ट्विटरवर देशाचे स्वातंत्र्य आणि स्वातंत्र्य सैनिकांच्या बलिदानावर एक पोस्ट लिहित ध्वजारोहणाचा व्हिडीओ शेअर केला आहे. शाहरुखने लिहिले की, ‘मी माझ्या मुलांना भारताच्या स्वातंत्र्यसैनिकांच्या लढयाबद्दल आणि बलिदानाबद्दल शिकवत आहे. त्यांना आणखी काही गोष्टी शिकवायच्या आहेत. पण, या निमित्ताने सर्वात लहान व्यक्तीने म्हणजेच अबरामने घरी तिरंगा फडकवला आहे. आम्हाला सर्वांना अभिमान वाटतो आहे.’
पाहा पोस्ट :
https://twitter.com/iamsrk/status/1558816378408378368?s=20&t=03qD4wd5LK6e22_AQMXsXQ
गौरीनेही शेअर केली पोस्ट
शाहरुख खानची पत्नी आणि इंटिरियर डिझायनर गौरी खानने इंस्टाग्रामवर स्वातंत्र्य दिनापूर्वीच्या सेलिब्रेशनचा फोटो शेअर केला आहे. ज्यावर अनेक चाहते प्रतिक्रिया देत आहेत. फोटो शेअर करताना गौरीने कॅप्शनमध्ये लिहिले, 'स्वातंत्र्य दिनाच्या शुभेच्छा.' शाहरुख खानच्या या स्वातंत्र्य दिन सेलिब्रेशनचे फोटो सोशल मीडिया यूजर्समध्ये चांगलेच पसंत केले जात आहेत.
शाहरुखच्या आगामी चित्रपटांची प्रतीक्षा
अभिनेता शाहरुख खान लवकरच दिग्दर्शक सिद्धार्थ आनंदच्या ‘पठाण’ या थ्रिलर चित्रपटात दीपिका पदुकोण आणि जॉन अब्राहम यांच्यासोबत दिसणार आहे. ‘पठाण’ हा चित्रपट 25 जानेवारी 2023 रोजी थिएटरमध्ये रिलीज होणार आहे. याशिवाय शाहरुख साऊथ अभिनेत्री नयनतारासोबत एटलीच्या ‘जवान’ या चित्रपटातही दिसणार आहे. त्याचा हा चित्रपट 2 जून 2023 रोजी प्रदर्शित होणार आहे. याशिवाय शाहरुख राजकुमार हिरानीच्या ‘डंकी’मध्ये अभिनेत्री तापसी पन्नूसोबत झळकणार आहे.