Hruta Durgule : हृता दुर्गुळेचा (Hruta Durgule) चाहतावर्ग मोठा आहे. हृताने आता 25 लाख फॉलोअर्सचा टप्पा पार केला आहे. सर्वात जास्त फोलअर्स असलेली हृता ही मराठी मनोरंजनसृष्टीतली पहिलीच अभिनेत्री आहे. हृताचे चाहते सोशल मीडिया पोस्ट शेअर करत हृताचे अभिनंदन करत आहेत. हृता मराठी अभिनेत्रींमध्ये इंस्टाग्रामवर टॉपर ठरली आहे.
महाराष्ट्राची क्रश हृता दुर्गुळे
हृता दुर्गुळे नुकतीच प्रतीक शाहसोबत लग्नबंधनात अडकली आहे. हृता दुर्गुळेला महाराष्ट्राची क्रश असे म्हटले जाते. फुलपाखरू मालिकेने हृताला ओळख मिळवून दिली. सध्या हृता 'मन उडू उडू झालं' या मालिकेच्या माध्यमातून प्रेक्षकांच्या भेटीला येत आहे. दरम्यान हृता दुर्गुळेने मालिकेतून निरोप घेतला आहे, असे सोशल मीडियावर व्हायरल होत आहे. हृता दुर्गुळेने एबीपी माझाला दिलेल्या मुलाखतीत म्हटलं आहे, 'मन उडू उडू झालं' ही मालिका मी सोडलेली नाही. या केवळ अफवा आहेत. सध्या मी मालिकेचे शूटिंग करत आहे. कोणत्याही खोट्या बातम्यांवर विश्वास ठेवू नका".
हृताचे आगामी प्रोजेक्ट
हृता दुर्गुळेच्या 'दादा एक गूड न्यूज आहे' या नाटकाचे सध्या रंगभूमीवर जोरदार प्रयोग होत आहे. तर 'मन उडू उडू झालं' ही मालिकादेखील सुरू आहे. हृताचा 'अनन्या' आणि 'टाईमपास 3'
हा सिनेमा लवकरच प्रेक्षकांच्या भेटीला येणार आहे. हृताचे चाहते तिच्या आगामी सिनेमाची प्रतीक्षा करत आहेत. 'टाईमपास 3' हा सिनेमा 3 जूनला प्रदर्शित होणार आहे. तर 'अनन्या' सिनेमा 22 जुलैला प्रेक्षकांच्या भेटीला येणार आहे.
'टाईमपास 3'च्या टिझरने ओलांडला 5M चा टप्पा
रवी जाधव दिग्दर्शित 'टाईमपास 3' हा सिनेमा लवकरच प्रेक्षकांच्या भेटीला येणार आहे. नुकताच या सिनेमाचा टीझर आऊट झाला आहे. अवघ्या काही दिवसात 'टाईमपास 3'च्या टिझरने 5M चा टप्पा पार केला आहे. टिझरने आता सिनेमाची उत्सुकता वाढवली आहे.
बारावी बोर्डाचा निकाल; एबीपी माझावर पाहता येणार, कसा पाहाल?
यंदा तुम्हाला 'ABP Majha'च्या वेबसाईटवर तुमचा निकाल पाहता येणार आहे. एबीपी माझाची अधिकृत वेबसाईट marathi.abplive.com वर बारावीचे विद्यार्थी झटपट आपला निकाल पाहू शकणार आहेत. एबीपी माझाच्या वेबसाईटवर निकाल पाहण्यासाठी mh12.abpmajha.com या लिंकवर क्लिक करा.
संबंधित बातम्या