Johnny Depp : हॉलिवूड अभिनेता जॉनी डेप (Johnny Depp) गेल्या अनेक दिवसांपासून चर्चेत आहे. पूर्व पत्नी एम्बर हडपने केलेल्या आरोपांमुळे जॉनी डेपला अनेक संकटांचा सामना करावा लागला होता. या आरोपांमुळे त्याच्या हातातील सर्व कामं काढून घेण्यात आली होती. तसेच डिज्नीची लोकप्रिय सीरिज 'पायरट्स ऑफ कॅरेबियन'मधूनदेखील (Pirates of the Caribbean) त्याला बाहेरचा रस्ता दाखवण्यात आला होता. पण आता याच सीरिजसाठी जॉनी डेपला पुन्हा विचारणा झाली आहे.
तब्बल सहा आठवडे चाललेल्या मानहानीच्या खटल्यातून अभिनेता जॉनी डेपची निर्दोष सुटका झाली होती. त्यामुळेच आता जॉनी डेपला 'पायरट्स ऑफ कॅरेबियन'च्या निर्मात्यांनी पुन्हा एकदा विचारले आहे. जॉनी डेपला सीरिज करण्यासाठी निर्माते 2,355 कोटींचे मानधन द्यायला तयार आहेत. या सीरिजमध्ये जॉनीला जॅक स्पॅरो या पात्रासाठी विचारणा झाली आहे. या सीरिजसोबतच डिज्नीच्या आणखी एका सीरिजची ऑफिसदेखील निर्मात्यांनी दिली आहे. यासोबतच निर्मात्यांनी जॉनीची माफी मागत त्याला काम करण्याची विनंती केली आहे.
जॉनी डेपने जिंकला खटला!
हॉलिवूडचा सुपरस्टार जॉनी डेप आणि त्याची पूर्वाश्रमीची पत्नी एम्बर हर्ड यांचा हाय-प्रोफाईल मानहानीचा खटला बराच काळ चर्चेत होता. जॉनी डेप आणि एम्बर हर्ड यांच्यात मागील बऱ्याच काळापासून कायदेशीर लढाई सुरू होती, ज्यावर आता अखेर हा निकाल देण्यात आला आहे. दीर्घकाळ चाललेल्या या कायदेशीर लढाईत अनेक धक्कादायक खुलासे समोर आले आहेत. सहा आठवडे चाललेल्या या संपूर्ण प्रकरणात न्यायालयाने आपला निकाल दिला आहे.
जॉनी डेप-एम्बर हर्ड मानहानीच्या खटल्यात, न्यायाधीशांनी जॉनी डेपच्या बाजूने निर्णय दिला. या खटल्यातील न्यायाधीशांनी एम्बर हर्डला या मानहानी खटल्यात दोषी ठरवले आणि निर्णय दिला की, जॉनी डेप यांनी आपली बदनामी झाल्याचे सिद्ध केले आहे. याव्यतिरिक्त, न्यायालयाने एम्बर हर्डला 10 दशलक्ष डॉलरची नुकसान भरपाई आणि 5 दशलक्ष डॉलरचे दंडात्मक नुकसान असे एकूण 15 दशलक्ष डॉलर भरण्याचे आदेश दिले.
सहा आठवडे चालला खटला!
जॉनी डेप आणि एम्बर हर्ड यांच्यातील हाय-प्रोफाइल कायदेशीर लढाई दरम्यान गेल्या सहा आठवड्यांपासून अनेक साक्षीदारांचे जबाब नोंदवले गेले. गेल्या सहा आठवड्यात शंभरहून अधिक तास साक्षीदार साक्ष देत होते. साक्ष आणि वादविवाद अनेक तास सुरु होते. ज्युरीच्या सात सदस्यांनीही तासनतास चर्चा केली आणि त्यानंतर ज्युरी निर्णयावर पोहोचले.
संबंधित बातम्या