Natasa Stankovic Net Worth : भारतीय क्रिकेटर हार्दिक पांड्या (Hardik Pandya) क्रीडाक्षेत्रासह आपल्या वैयक्तिक आयुष्यामुळे चांगलाच चर्चेत आहे. मीडिया रिपोर्टनुसार, हार्दिकच्या आयुष्यात सध्या काहीही चांगलं घडत नाही आहे. हार्दिक पांड्या आणि नताशाचा (Natasa Stankovic) घटस्फोट होणार आहे. त्यांच्या संसारात दुरावा आल्याचं म्हटलं जात आहे. हार्दिक पांड्याची पत्नी नताशाने अभिनयक्षेत्राला रामराम केला आहे. पण तरीही ती कोट्यवधींची मालकीण आहे.
हार्दिक पांड्याची पत्नी नताशाने सोशल मीडियावरुन अडनाव हटवलं आहे. तसेच सोशल मीडियावरुन हार्दिकसोबतचे सर्व फोटोही डिलीट केले आहेत. तसेच संपूर्ण IPL मधून ती गायब आहे. त्यामुळे आता हार्दिक आणि नताशा लवकरच विभक्त होणार असल्याचं म्हटलं जात आहे.
बॉलिवूडला केलं अलविदा
हार्दिक पांड्यासोबत 2020 मध्ये लग्नबंधनात अडकल्यानंतर नताशाने बॉलिवूड इंडस्ट्रीपासून स्वत:ला दूर ठेवलं. नताशा मॉडेल, डान्सर आणि अभिनेत्री राहिलेली आहे. नताशाने 2013 मध्ये प्रकाश झाच्या 'सत्यग्रह'मधून बॉलिवूडमध्ये पदार्पण केलं. त्यानंतर नताशा 'बिग बॉस' या लोकप्रिय कार्यक्रमाच्या आठव्या सीझनमध्ये सहभागी झाली. नताशा या कार्यक्रमातून लवकर बाहेर पडली. नताशाने आपल्या करिअरमध्ये झीरो, अॅक्शन जॅक्सन आणि फुकरे रिटर्न्स सारख्या चित्रपटांमध्ये काम केलं आहे. पण इंडस्ट्रीत तिला लोकप्रियता मिळालेली नाही. तसेच लग्नानंतर नताशाने बॉलिवूडला अलविदा केलं.
कोट्यवधींची मालकीण नताशा!
नताशाने अभिनयक्षेत्राला अलविदा केलं असलं तरी ती कोट्यवधींची मालकीण आहे. मीडिया रिपोर्टनुसार, जाहिराती आणि इंस्टाग्राम प्रमोशनच्या माध्यमातून ती चांगलीच कमाई करते. इंस्टाग्रामवर तिचे 4 मिलियनपेक्षा जास्त फॉलोअर्स आहेत. नताशाची एकूण संपत्ती 20 कोटींच्या आसपास आहे.
क्रिकेटर हार्दिक पांड्याच्या कमाईसमोर मात्र नताशाची कमाई काहीच नाही. हार्दिकची संपत्त 91 कोटी रुपयांच्या आसपास आहे. हार्दिक एका वन डे सामनाच्या माध्यमातून 20 लाख रुपयांची कमाई करतो. तर टेस्ट मॅचमार्फत तो 30 लाखांपर्यंत कमाई करतो. क्रिकेट सामन्यासह जाहिरातींमधून तो चांगलीच कमाई करतो.
हार्दिक पांड्या आणि नताशाने 2020 मध्ये कोरोनाकाळात गुपचूप लग्न केलं. नताशा लग्नाआधीच प्रेग्नंट होती. त्यानंतर व्हेलेंटाइन डेला त्यांनी पुन्हा लग्न केलं. त्यांचे लग्नसोहळ्याचे फोटो सोशल मीडियावर व्हायरल झाले आहेत.
संबंधित बातम्या