हार्दिक पांड्या सध्या दक्षिण आफ्रिकेच्या दौऱ्यावर आह. एलीसुद्धा दक्षिण आफ्रिकेला फेरफटका मारण्यासाठी गेली आहे. त्यामुळे सर्वांच्या भुवया उंचावल्या आहेत. एली हार्दिकची गर्लफ्रेण्ड असल्यावर शिक्कामोर्तब करणारा एक फोटो समोर आला आहे.
शिखर धवनची बायको आयेशाने त्यांची मुलगी रियाच्या 13 व्या वाढदिवसाचा फोटो इन्स्टाग्रामवर शेअर केला आहे. या फोटोमध्ये दौऱ्यावर असलेल्या क्रिकेटपटूंच्या बेटर हाफ (वॅग्स- वाईफ अँड गर्लफ्रेण्ड्स) दिसत आहेत. रोहितची पत्नी रितीका, भुवीची पत्नी नुपूर, अश्विनची पत्नी प्रिती, उमेशची पत्नी तान्या, राहाणेची पत्नी राधिका यांच्यासोबत एलीसुद्धा हजर आहे.
एली अवराम बिग बॉसच्या एका पर्वात झळकली होती. त्याशिवाय तिने मिकी व्हायरस, किस किसको प्यार करु, नाम शबाना यासारख्या चित्रपटांमध्ये भूमिका केली आहे.
हार्दिकचा भाऊ, क्रिकेटपटू कृणाल पांड्याच्या लग्नात एलीने उपस्थिती लावली होती, तेव्हाच दोघांच्या अफेअरच्या चर्चा सुरु झाल्या होत्या.
शर्मिला टागोर-मन्सूर अली खान पतौडी यांच्यापासून अलिकडे हरभजन-गीता, युवराज-हेझल, झहीर-सागरीका आणि विराट-अनुष्का अशी क्रिकेट-बॉलिवूड अफेअरची उदाहरणं आहेत. यातच हार्दिक-एलीचं नाव जोडलं जावं, अशी चाहत्यांची इच्छा आहे.