Prabhas Birthday: बॉलिवूड आणि दाक्षिणात्य चित्रपटसृष्टीचा 'बाहुबली' अशी ओळख असणारा अभिनेता प्रभासचा (Prabhas) आज वाढदिवस आहे. प्रभासचं पूर्ण नाव प्रभास राजु उप्पालापाटी असं आहे. त्याचे दाक्षिणात्य चित्रपट बॉक्स ऑफिसवर धुमाकूळ घालतात. त्याचा जन्म 23 ऑक्टोबर 1979 रोजी चेन्नई येथे झाला. प्रभासनं अजूनही लग्न केलं नाही. त्याचं नाव अनेक अभिनेत्रींसोबत जोडलं जातं.
6000 पेक्षा जास्त मुलींनी केली होती लग्नाची मागणी
बाहुबली चित्रपट हिट झाल्यावर प्रभासची लोकप्रियता वाढली. एका वृत्तसंस्थेनं दिलेल्या माहितीनुसार, बाहुबलीनंतर प्रभासला जवळपास 6000 पेक्षा जास्त मुलींनी लग्नाची मागणी घातली. पण प्रभासनं त्या सर्व मुलींना रिजेक्ट केलं. बाहुबलीसाठी प्रभासला चित्रपट निर्मात्यांनी एक कोटींचे जीम इक्विपमेंट्स गिफ्ट म्हणून दिले होते.
अभिनय नाही तर या क्षेत्रात करायचं होतं काम
प्रभासला अभिनय नाही तर होटेल बिझनेस करायचा होता. तसेच तो एक इंजिनिअर देखील आहे. हैदराबादच्या श्री चैतन्य कॉलेजमधून त्यांनं बी. टेक केले. पण सध्या तो अभिनय क्षेत्रात काम करुन प्रेक्षकांचे मनोरंजन करत आहे.
ईश्वर या चित्रपटातून केलं पदार्पण
प्रभासने 'ईश्वर' या चित्रपटातून अभिनय क्षेत्रात पदार्पण केलं. त्यानंतर 'राघवेंद्र', 'वर्षम', 'योगी', 'एक निरंजन', 'रेबेल', 'बाहुबली : द बिगनिंग', बाहुबली : द कन्क्लूजन, राधे श्याम यांसारख्या चित्रपटात त्यानं काम केलं. आता लवकरच त्याचा आदिपुरुष हा चित्रपट प्रेक्षकांच्या भेटीस येणार आहे. या चित्रपटात प्रभाससोबत अभिनेत्री क्रिती सेनन, सैफ अली खान हे देखील प्रमुख भूमिका साकारणार आहेत.
वाचा इतर महत्त्वाच्या बातम्या:
Prabhas-Kriti Sanon : ‘बाहुबली’ प्रभास क्रिती सेननच्या प्रेमात? सोशल मीडियावर केलं अभिनेत्रीचं कौतुक