'गोलमाल'च्या सर्व सिनेमांप्रमाणेच या सिनेमातही अजय देवगण मुख्य भूमिकेत असेल, असंही रोहित शेट्टी यांनी जाहिर केलं. मात्र गरोदरपणामुळे करीना कपूर या सिनेमात नसेल असं, सांगण्यात आलं.
अशी असेल 'गोलमाल-4' ची कास्ट
अजय देवगण आणि रोहित शेट्टी यांनी आतापर्यंत सहा सिनेमांमध्ये एकत्र काम केलं आहे. ही जोडी पुन्हा एकदा प्रेक्षकांच्या भेटीला येत आहे. 'गोलमाल' सीरीजचे तिनही सिनेमे हिट ठरले होते. त्यामुळे या सीरीजचा चौथा सिनेमा आणण्याचा रोहित शेट्टीने निर्णय घेतला आहे.
करीना कपूर वगळता या सिनेमाची कास्ट जवळपास सारखीच असणार आहे. या सिनेमात तुषार कपूर, कुणाल खेमू, अर्षद वारसी, श्रेयस तळपदे ही टीम पुन्हा एकदा प्रेक्षकांच्या भेटीला येत आहे. 'गोलमाल' सीरीजचे तिनही सिनेमा प्रेक्षकांना चांगलेच आवडले होते, त्यामुळे 'गोलमाल-4' ची प्रेक्षकांना उत्सुकता लागली आहे.