Farah Khan ने Gauri Khan ला सिक्रेट सांता भेट म्हणून पाठवला हस्तलिखित संदेश

एबीपी माझा वेब टीम Updated at: 21 Dec 2021 10:51 PM (IST)

Edited By: मंजिरी पोखरकर

Farah Khan : आर्यन खान प्रकरणानंतर गौरी खान इंस्टाग्रामवर कामाव्यतिरिक्त अॅक्टिव्ह दिसत नाही.

शाहरुख_खान-गौरी_खान-फराह

Farah Khan Sends Christmas Gift To Gauri Khan : शाहरुख खानची पत्नी (Shah Rukh Khan) गौरी खानने (Gauri Khan) तिच्या इंस्टा स्टोरीवर एक फोटो शेअर केला आहे. फराह खान आणि तिच्या मुलांनी गौरीसाठी एक हस्तलिखित संदेश पाठवला आहे. गौरीला फराहकडून छानसे सिक्रेट सांता गिफ्ट मिळाले आहे.

फराहने लिहिले आहे,"मेरी ख्रिसमस! मी तुला तुझ्या आवडीची स्वादिष्ट चेरी पाठवत आहे. नाताळचा आनंद घे. मला आशा आहे की, या चिली चेरी तुला आमच्याप्रमाणेच आवडतील. फराह, झार, अन्या आणि दिवाकडून खूप खूप प्रेम".

अलीकडेच गौरीचा मुलगा आर्यन खानला एनसीबीने क्रूझ जहाजावर छापा टाकून अटक केली होती. 25 दिवसांहून अधिक काळ घालवल्यानंतर त्याची आर्थर रोड तुरुंगातून सुटका करण्यात आली. त्याला दर शुक्रवारी NCB कार्यालयात हजेरी लावायला सांगितली. गेल्या आठवड्यात मुंबई उच्च न्यायालयाने आर्यनला एनसीबी कार्यालयात हजर राहण्यापासून दिलासा दिला. कोर्टाने आता त्याला दिल्लीच्या विशेष तपास पथकासमोर (एसआयटी) समन्स पाठवायला हजर राहण्यास सांगितले आहे.

कधी झाली अटक?
आर्यन खान, मुनमुन धमेचा आणि अरबाज मर्चंट यांना एनसीबीने 3 ऑक्टोबर रोजी गोवाला जाणाऱ्या क्रूझवर छापेमारीदरम्यान अटक केली होती, तर उर्वरित पाच इतर आरोपींना दुसऱ्या दिवशी अटक करण्यात आली होती. रिमांड कालावधी संपल्यानंतर आरोपींना अतिरिक्त मुख्य महानगर दंडाधिकारी आर एम नेर्लीकर यांच्यासमोर हजर करण्यात आले. येथून त्याला 14 दिवसांची न्यायालयीन कोठडी सुनावण्यात आली.

संबंधित बातम्या