TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -
Just Married आलिया-रणबीरची पहिली झलक; 'माझा'च्या कॅमेऱ्यात कैद
बॉलिवूड अभिनेता रणबीर कपूर (Ranbir Kapoor) आणि अभिनेत्री आलिया भट्टसाठी (Alia Bhatt) आजचा दिवस खास आहे. आज दोघेही लग्नाच्या बेडीत अडकले आहेत. बराच काळ रिलेशनशिपमध्ये राहिल्यानंतर आता दोघांनी आपलं नातं अधिकृत केलं आहे. वास्तू बंगल्यात दोघांनी सात फेरे घेतले आहेत. लग्नानंतर आलिया-रणबीरचे फोटो समोर आले आहेत. आलिया-रणबीरची जोडी लग्नानंतर 'माझा'च्या कॅमेऱ्यात कैद झाले आहे.
'भूल भुलैया 2' चा जबदस्त टीझर रिलीज
बॉलिवूडमधील प्रसिद्ध अभिनेता कार्तिक आर्यन त्याच्या अभिनयानं प्रेक्षकांची नेहमी पसंती मिळतो. त्याच्या 'भूल भुलैया 2' या चित्रपटाची वाट त्याचे चाहते उत्सुकतेने वाट पाहात आहेत. 2021 मध्ये हा चित्रपट रिलीज होणार होता. पण कोरोनामुळे या चित्रपटाची रिलीज डेट पुढे ढकलण्यात आली. आता हा चित्रपट 20 मे 2022 रोजी प्रदर्शित होणार आहे. नुकताच या चित्रपटाचा टीझर प्रदर्शित झाला. या टीझरला नेटकऱ्यांनी पसंती मिळाली आहे.
अन्य 'या' दिवशी होणार रिलीज
मागील बऱ्याच दिवसांपासून प्रदर्शनाच्या प्रतीक्षेत असलेले सर्वच चित्रपट आता प्रदर्शित होण्याच्या वाटेवर आहेत. यापैकीच एक असलेला बहुचर्चित सिनेमा म्हणजे 'अन्य'. मराठीतील दिग्गज कलाकारांसोबतच हिंदी कलाकारांच्या अभिनयानं सजलेला आणि मराठीसह हिंदी भाषेतही बनलेला 'अन्य'च्या प्रदर्शनाची तारीखही घोषित करण्यात आली आहे. हा चित्रपट 10 जून रोजी प्रेक्षकांच्या भेटीला येणार आहे.
लग्नानंतर आलियाची खास पोस्ट
बॉलिवूडचा चॉकलेट बॉय रणबीर कपूर आणि आलिया भट्ट लग्नबंधनात अडकले आहेत. नुकतेच आलियाने लग्नसोहळ्यातील फोटो शेअर केले आहेत. फोटो शेअर करत आलियाने चाहत्यांचे आभार मानले आहेत.
'इंडियन आयडल मराठी'चा महाअंतिम सोहळा 'या' दिवशी पार पडणार
'इंडियन आयडल मराठी' या कार्यक्रमाने प्रेक्षकांच्या मनात घर केलं आहे. अभिमान देशाचा, आवाज महाराष्ट्राचा' अशी टॅगलाईन असलेल्या या कार्यक्रमात महाराष्ट्राच्या कानाकोपऱ्यांतून स्पर्धक आले होते. त्यातून नुकतेच महाराष्ट्राला टॉप 5 स्पर्धक मिळाले आहेत. 18-19 एप्रिलला 'इंडियन आयडल मराठी'चा महाअंतिम सोहळा पार पडणार आहे.
संबंधित बातम्या