TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -
रिकी केजने दुसऱ्यांदा पटकावला ‘ग्रॅमी’ पुरस्कार!
लास वेगास येथील MGM ग्रँड अरेना येथे 64व्या ग्रॅमी पुरस्कारांचे आयोजन करण्यात आले होते. भारतीय गायक रिकी केजला ‘सर्वोत्कृष्ट न्यू एज अल्बम’ या श्रेणीमध्ये ग्रॅमी पुरस्कार मिळाला आहे. त्यांनी पुन्हा एकदा देशाचे नाव या जगात रोशन केले आहे. रिकीने ग्रॅमी पुरस्कार जिंकण्याची ही दुसरी वेळ आहे. त्यांनी स्वतः ट्विट करत याबाबत माहिती दिली आहे.
गुरमित-देबिनाने दिली गोड बातमी
टीव्ही अभिनेत्री देबिना बॅनर्जी आई झाली आहे. तिने एका गोंडस मुलीला जन्म दिला आहे. अभिनेता गुरमीत चौधरीने सोशल मीडियावर एक व्हिडीओ शेअर करून आपण बाबा झाल्याची गोड बातमी शेअर केली आहे.
शाहिद कपूरच्या 'जर्सी' सिनेमाचा नवा ट्रेलर प्रदर्शित
बॉलिवूड अभिनेता शाहिद कपूरच्या बहुप्रतिक्षित 'जर्सी' सिनेमाचा नवा ट्रेलर प्रेक्षकांच्या भेटीला आला आहे. प्रेक्षक या सिनेमाची आतुरतेने वाट पाहत आहेत. हा ट्रेलर झी म्युझिक कंपनीने त्यांच्या अधिकृत यूट्यूब चॅनलवर शेअर केला आहे. 'जर्सी' सिनेमाच्या नव्या ट्रेलरमध्ये शाहिद कपूरचे क्रिकेटवेड दिसत आहे. तसेच शाहिद कपूर आणि मृणाल ठाकुर रोमॅंटिक अंदाजात दिसत आहेत.
भारती सिंहची जागा घेतली 'या' अभिनेत्रीने
कॉमेडी क्वीन भारती सिंहने रविवारी सोशल मीडियाच्या माध्यमातून चाहत्यांना गोड बातमी दिली आहे. भारतीने सोशल मीडियाच्या माध्यमातून मुलगा झाल्याची माहिती चाहत्यांना दिली आहे. भारती सिंह प्रेग्नेंसीच्या शेवटच्या दिवसातही काम करत होती. भारती तिला पती हर्ष लिंबाचियासोबत हुनरबाज आणि खतरा खतरा या रिअॅलिटी शोचे सूत्रसंचालन करत होती. पण आता भारती सिंहची जागा नागिन अभिनेत्री सुरभी चांदनाने घेतली आहे.
राजामौलींचा 'आरआरआर' सिनेमा 'या' दिवशी होणार ओटीटीवर प्रदर्शित
एसएस राजामौलींचा 'आरआरआर' सिनेमा सध्या सिनेमागृहात धुमाकूळ घालतो आहे. या सिनेमाच्या चाहत्यांसाठी एक आनंदाची बातमी आहे. सिनेमागृहात धुमाकूळ घातल्यानंतर 'आरआरआर' सिनेमा आता ओटीटीवर प्रदर्शित होणार आहे. 'आरआरआर' सिनेमा 25 फेब्रुवारी रोजी झी 5 या ओटीटी प्लॅटफॉर्मवर प्रदर्शित होणार आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha