TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या

Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -

'KGF 2' सिनेमाचा ट्रेलर आऊट

साऊथ सुपरस्टार यशच्या (Yash) बहुप्रतिक्षित 'KGF 2'चा ट्रेलर रिलीज झाला आहे. या सिनेमाच्या ट्रेलरची चाहते आतुरतेने वाट पाहत होते. आता ट्रेलर प्रदर्शित झाल्याने प्रेक्षक सिनेमाची प्रतीक्षा करत आहेत. 'बाहुबली' सारखीच 'KGF 2' सिनेमाची प्रेक्षकांमध्ये क्रेझ आहे. 'KGF 2' हा सिनेमा 14 एप्रिल 2022 रोजी जगभरातील सिनेमागृहांमध्ये प्रदर्शित होणार आहे. या सिनेमाचे दिग्दर्शन प्रशांत नील यांनी केले आहे.

लॉस एंजेलिसमध्ये रंगणार ऑस्कर पुरस्कार सोहळा!

सिनेसृष्टीतील सर्वोच्च पुरस्कार म्हणून गौरवला जाणारा 'ऑस्कर पुरस्कार' सोहळ्याकडे मनोरंजनसृष्टीसह सिनेप्रेक्षकांचे लक्ष लागले आहे. आज (रविवारी) रात्री आठ वाजल्यापासून लॉस एंजेलिसमध्ये हा पुरस्कार सोहळा पार पडणार आहे. लॉस एंजेलिस येथील डॉल्बी थिएटरमध्ये या पुरस्कार सोहळ्याचे आयोजन करण्यात आले आहे.

'द कश्मीर फाईल्स' चित्रपटावर राज्यपालांची अप्रत्यक्षरित्या प्रतिक्रिया

'द कश्मीर फाईल्स' चित्रपटावरून सध्या देशांत दोन गट निर्माण झालेत. यावर राज्यपाल भगतसिंग कोश्यारी यांनीही अप्रत्यक्षपणे मत व्यक्त केलं आहे. राज्यपालांनी म्हटलं आहे की, 'एरव्ही गल्लीत भांडणं होतात, यात नेते तर अग्रस्थानी असतात. धर्माचा मुद्दा अग्रस्थानी असतो. पण पाकिस्तान, चीन, कोरोना अशा संकटसमयी मात्र सगळेच एकत्र येतात. परंतु असं न करता आपण सर्वांनी नेहमीच एकत्र रहायला हवं, असं झालं तर आपल्यावर कोणतंच संकट येणार नाही.'

‘किंग’ खानने दाखवला ‘पठाण’चा किलर लूक

बॉलिवूडच्या किंग खानच्या 'पठाण' (Pathaan) या चित्रपटाची चाहते आतुरतेने वाट पाहत आहेत. काही काळापूर्वी 'पठाण' चित्रपटाचा टीझरही रिलीज झाला होता. मात्र, त्यात फक्त अभिनेत्री दीपिका पदुकोण (Deepika Padukone) आणि अभिनेता जॉन अब्राहम (John Abraham) दिसले होते. त्यानंतर शाहरुख खानचा (Shah Rukh Khan) लूक पाहण्यासाठी चाहते आतुर झाले होते. पण, त्यांना बॅकग्राउंडमध्ये फक्त त्याचा आवाज ऐकू आला. आता शाहरुखनेच त्याच्या चाहत्यांची इच्छा पूर्ण केली आहे. नुकताच शाहरुख खानने त्याच्या 'पठाण'चा लूक रिव्हील केला आहे, ज्यामध्ये तो त्याचे अॅब्स फ्लाँट करताना दिसत आहे.

भाईजानने सोशल मीडियावर शेअर केले फोटो

बॉलिवूड अभिनेता सलमान खान (Salman Khan) सोशल मीडियावर खूप अॅक्टिव्ह असतो. सध्या त्याचे फोटो सोशल मीडियावर खूप व्हायरल होत आहेत. सलमान अनेकदा त्याच्या पनवेलच्या फार्म हाऊसवर जात असतो. तिथले फोटो तो चाहत्यांसोबत शेअर करत असतो. नुकतेच सलमानने पाण्यात डुबकी घेतानाचे फोटो शेअर केले आहेत. सलमानच्या पाण्यात डुबकी घेतानाच्या फोटोवर बॉलिवूड सेलिब्रिटी आणि चाहते मजेशीर कमेंट्स करत आहेत.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha