Celebs Reaction On Argentina Win : कतारमधील लुसेल स्टेडियमवर रविवारी अर्जेंटिना विरुद्ध फ्रान्स (Argentina VS France) यांच्यात फिफा विश्वचषक 2022 (Fifa World Cup Final 2022) चा अंतिम सामना रंगला. या सामन्यात तब्बल 36 वर्षांनंतर अर्जेंटिनानं फिफा विश्वचषकावर नाव कोरलं आहे. अर्जेंटिनाच्या या विजयावर बॉलिवूडच्या कलाकारांनी सोशल मीडियाच्या माध्यमातून आपला आनंद व्यक्त केला आहे.
सोशल मीडियावर सध्या अर्जेंटिनाचं कौतुक होत आहे. बॉलिवूडचा सुपरस्टार शाहरुख खानने (Shahrukh Khan) अर्जेंटिनाच्या विजयावर एक खास पोस्ट लिहिली आहे. किंग खानने ट्वीट केलं आहे,"विश्वचषकाचा अंतिम सामना जिंकल्याबद्दल अभिनंदन. पूर्वी मी आईसोबत छोट्या पडद्यावर हे सामने बघायचो. आज मला त्या गोष्टीची आठवण येत आहे. आता माझ्या मुलांमध्ये तो उत्साह कायम आहे".
रणवीर सिंहने (Ranveer Singh) लिहिलं आहे,"मी आता एक जादू अनुभवली आहे. एका ऐतिहासिक क्षणाचा साक्षीदार झालो आहे". सुष्मिता सेननेदेखील (Sushmita Sen) खास पोस्ट शेअर करत आपला आनंद व्यक्त केला आहे. तिने लिहिलं आहे,"फिफा विश्वचषकाचा अंतिम सामना खूपच कमाल होता. अर्जेंटिनाचं अभिनंदन, मेस्सीचा अभिमान वाटतोय".
अनुपम खेर (Anupam Kher) यांनी लिहिलं आहे,"काय मॅच रंगली... माझ्याकडे खरचं शब्द नाहीत. वाह...जय हो!". कार्तिक आर्यन (Kartik Aaryan) आणि सोनू सूदनेदेखील (Sonu Sood) मेस्सीला (Lionel Messi) शुभेच्छा दिल्या आहेत.
संबंधित बातम्या