Dunki Box Office Collection Day 1: अभिनेता शाहरुख खानचा (Shah Rukh Khan) 2023 या वर्षातील 'डंकी' (Dunki) हा तिसरा चित्रपट काल (गुरुवारी) मोठ्या थिएटरमध्ये दाखल झाला. राजकुमार हिरानी यांच्या चित्रपटाचा पहिला शो मुंबईच्या सिंगल-स्क्रीन थिएटर गेटी गॅलेक्सी येथे सकाळी 5:55 वाजता झाला. शाहरुखच्या अनेक चाहत्यांनी डंकी रिलीज झाल्यानंतर थिएटरबाहेर जल्लोष केला. शाहरुखच्या डंकी या चित्रपटानं पहिल्याच दिवशी बॉक्स ऑफिसवर धुमाकूळ घातला आहे. या चित्रपटानं रिलीजच्या पहिल्याच दिवशी किती कोटींची ओपनिंग केली आहे? ते जाणून घेऊया...
डंकी हा चित्रपट रिलीज होण्याआधी या चित्रपटाची प्रेक्षकांमध्ये प्रचंड क्रेझ होती. आता 'डंकी' या चित्रपटाच्या रिलीजच्या पहिल्या दिवसाच्या कमाईचे सुरुवातीचे आकडेही आले आहेत. Sacnilk च्या सुरुवातीच्या ट्रेंड रिपोर्टनुसार, डंकी या चित्रपटाने रिलीजच्या पहिल्याच दिवशी 30 कोटी रुपये कमवले आहेत.
अॅनिमल, पठाण आणि जवानला मागे टाकू शकला नाही डंकी
शाहरुख खानच्या पठाण आणि जवान या चित्रपटांच्या ओपनिंग-डे कलेक्शनपेक्षा डंकी या चित्रपटानं पहिल्यादिवशी कमी कमाई केली आहे . नुकत्याच प्रदर्शित झालेल्या अॅनिमल या चित्रपटाचे ओपनिंग डे कलेक्शनही 'डिंकी'पेक्षा जास्त होते.
- 'जवान' या चित्रपटानं रिलीजच्या पहिल्याच दिवशी 75 कोटींचे कलेक्शन केले होते.
- पठाण या चित्रपटानं रिलीजच्या पहिल्याच दिवशी 57 कोटी रुपयांची कमाई केली होती.
- अॅनिमल या चित्रपटाचे पहिल्या दिवशीचे कलेक्शन 63.8 कोटी रुपये होते.
- टायगर 3 ने 43 कोटींची कमाई केली.
किंग खानच्या 'डंकी' ची आणि प्रभासच्या 'सालार'ची बॉक्स ऑफिसवर टक्कर होणार
प्रभासचा सालार हा चित्रपट आज चित्रपटगृहांमध्ये प्रदर्शित झाला आहे. सालार या चित्रपटानं डंकी या चित्रपटाच्या ओपनिंग डे कलेक्शन (30 कोटी) पेक्षा अॅडव्हान्स बुकिंगमध्ये (45.34 कोटी) जास्त कमाई केली आहे. आता वीकेंडला डंकी या चित्रपटाच्या कमाईत वाढ होईल, असं म्हटलं जात आहे. डंकी या चित्रपटात शाहरुखसोबतच तापसी पन्नू आणि विकी कौशल यांनी देखील महत्वाची भूमिका साकारली आहे. सोशल मीडियावर पोस्ट शेअर करुन अनेकजण या चित्रपटाचं कौतुक करत आहेत.