मार्केट अॅनालिस्ट तरण आदर्श यांनी चित्रपटाच्या कमाईचे आकडे जारी केले आहे. या सिनेमाने पहिल्या आठवड्यात म्हणजेच सुरुवातीच्या तीन दिवसात कमाईचा 44 कोटी रुपयांचा आकडा पार केला आहे. चित्रपटाने पहिल्या दिवशी 10.05 कोटी रुपयांचा गल्ला जमवला. दुसऱ्या दिवशी 16.42 कोटी आणि तिसऱ्या दिवशी म्हणजेच रविवारी 18.10 कोटी रुपये कमावले. अशाप्रकारे भारतीय बॉक्स ऑफिसवर या सिनेमाची कमाई 44.57 कोटींवर पोहोचली.
या कमाईसह ड्रीम गर्लने 'उरी', 'राझी' यांसारख्या अनेक मोठ्या सिनेमांचे विक्रम मोडले आहेत. आलिया भटच्या 'राझी'ने तीन दिवसात 32.94 कोटी रुपयांची कमाई केली होती. 'स्त्री' चित्रपटाने 32.27 कोटी रुपये कमावले होते. तर राष्ट्रीय पुरस्कार विजेत्या 'उरी: द सर्जिकल स्ट्राईक'ने तीन दिवसात 35.73 कोटी रुपयांचा गल्ला जमवला होता.
राज शांडिल्य दिग्दर्शित या चित्रपटात आयुष्मानसोबत नुशरत भरुचा, अन्नू कपूर आणि विजय राज यांसारखे नावाजलेले कलाकार आहेत.