या पोस्टसह, दीपिकाने चित्रपटाच्या क्रू सदस्यांसोबतचा फोटोही शेअर केला आहे.
तर चित्रपटाबाबतच्या भावना व्यक्त करताना दीपिकाचा पती आणि अभिनेता रणवीर सिंह म्हणाला की, "या जादूचा साक्षीदार बनण्यासाठी आणखी वाट पाहू शकत नाही."
दीपिकाने यापूर्वी आपल्या भूमिकेविषयी म्हटले होते की, "ही एक अतिशय महत्त्वाची कथा आहे आणि ती सत्य घटनेवर आधारित आहे, म्हणून आशा आहे की त्यातून चांगल्या गोष्टी मिळतील."
दीपिका पादुकोण या चित्रपटाशी भावनिकदृष्ट्या जोडली गेली आहे. चित्रपटाच्या शूटिंगच्या पहिल्या दिवशी दीपिका स्वत:ला रोखू शकली नाही, ती सेटवर रडत होती.
हा प्रोजेक्ट दीपिकासाठी चढ-उताराने भरलेला होता. शूटिंगच्या पहिल्या दिवशी चित्रपटाच्या निर्मात्यांसोबत चर्चा करत असताना तिला रडू आवरलं नाही. मात्र त्यावेळी तिने भावनांवर मात करुन शूटिंगला सुरुवात केली.
'छपाक' शूटिंग मुख्यतः दिल्ली आणि मुंबईमध्ये झालं. मेघना गुलजार यांनी दिग्दर्शित केलेला हा चित्रपट 10 जानेवारी 2020 रोजी प्रदर्शित होईल. या चित्रपटात दीपिकासोबत विक्रांत मेसी मुख्य भूमिकेत दिसणार आहे.