Darling Movie : 'डार्लिंग' (Darling) हा सिनेमा 10 डिसेंबर 2021 रोजी सिनेमागृहात प्रदर्शित असून आता या सिनेमाचा वर्ल्ड टेलिव्हिजन प्रीमियर होणार आहे. सिनेमागृहात धुमाकूळ घालणारा सिनेमा प्रेक्षकांना घरबसल्या पाहायला मिळणार असल्याने चाहत्यांमध्ये उत्सुकता दिसून येत आहे.
17 जुलैला झी टॉकीजवर होणार 'डार्लिंग'चा वर्ल्ड टेलिव्हिजन प्रीमियर
प्रत्येकजण आयुष्यात कधी ना कधीतरी प्रेमात पडतोच, त्या प्रेमाला हळुवारपणा, आनंद, विरह, दु:ख, त्याग असे अनेक रंग असतात. प्रेमभावनेचे असेच अनोखे रंग दाखवणारा डार्लिंग हा मनोरंजक मराठी चित्रपट येत्या रविवारी झी टॉकीजवर पहायला मिळणार आहे. रविवार 17 जुलैला दुपारी 12.00 वा. आणि संध्याकाळी 6.00 वा 'डार्लिंग' या सिनेमाचा वर्ल्ड टेलिव्हिजन प्रीमियर होणार आहे.
डार्लिंग सिनेमाची कथा काय?
बबली, राजाभाऊ आणि तुषारच्या अल्लड आणि अवखळ प्रेमाची गोष्ट प्रेक्षकांना 'डार्लिंग' सिनेमात पाहायला मिळते. बबली ही तुषारच्या म्हणजेच प्रथमेश परबच्या प्रेमात पडलेली असते. त्या दोघांचे एकमेकांवर अतोनात प्रेम असते. राजाभाऊ म्हणजेच निखिल चव्हाणदेखील बबलीवर प्रेम करत असतो. त्याचे हे प्रेम एकतर्फी असते. तोदेखील बबलीला मिळवण्यासाठी अनेक प्रयत्न करत असतो. त्यातून उडणारी धमाल म्हणजे 'डार्लिंग' हा सिनेमा.
रूढ अर्थाने आपण ज्याला प्रेमाचा 'त्रिकोण' म्हणतो तशा प्रकारची ही कथा असली तरी त्याही पलीकडे ही नात्यांची गोष्ट आहे. वेगवेगळ्या नात्यांची ही गोष्ट दाखवताना प्रेम करणाऱ्या प्रत्येक मनाची स्पंदन अचूक टिपणारा हा सिनेमा प्रेक्षकांसाठी मेजवानी असणार आहे. प्रथमेश परब, रितिका श्रोत्री, निखिल चव्हाण, मंगेश कदम, आनंद इंगळे या कलाकारांनी या सिनेमात धमाल केली आहे.
कुठे पाहायला मिळेल? झी टॉकीज
किती वाजता? 17 जुलै दुपारी 12 आणि संध्याकाळी 6 वाजता.
संबंधित बातम्या