Critics Choice Awards 2023 : एसएस राजामौलींचा (SS Rajamouli) 'आरआरआर' (RRR) हा सिनेमा सध्या जगभरात चर्चेत आहे. गोल्डन ग्लोब पुरस्कार (Golden Globe Awards) पटकावल्यानंतर आता या सिनेमाने जगभरातील सिनेमांना मागे टाकत क्रिटिक्स चॉइस अवॉर्डवर (Critics Choice Award) आपलं नाव कोरलं आहे.
'आरआरआर' (RRR) हा परदेशी भाषेतील सर्वोत्कृष्ट सिनेमा ठरला आहे. तसेच 'नाटू-नाटू' (Naatu Naatu) या गाण्यालाही सर्वोत्कृष्ट ओरिजनल गाण्याचा पुरस्कार मिळाला आहे.
क्रिटिक्स चॉइस पुरस्कार सोहळ्याचं हे 28 वं वर्ष आहे. त्यांच्या अधिकृत ट्विटर हॅंडलवरुन प्रेक्षकांना आनंदाची बातमी देण्यात आली आहे. त्यांनी ट्वीट केलं आहे,"आरआरआर' (RRR) या सिनेमातील कलाकार आणि या सिनेमाचा भाग असलेल्या प्रत्येकाचे अभिनंदन.... बेस्ट फॉरेन लॅँग्वेज फिल्मसाठी क्रिटिक्स चॉइस अवॉर्ड जिंकला आहे".
क्रिटिक्स चॉइस अवॉर्डच्या ट्वीटर हॅंडलवर एसएस राजामौलींचा एक व्हिडीओदेखील शेअर करण्यात आला आहे. या व्हिडीओमध्ये राजामौली खूपच आनंदी दिसत आहेत. 'आरआरआर' या सिनमात अजय देवगण, आलिया भट्ट, श्रिया सरनदेखील महत्त्वाच्या भूमिकेत आहेत.
आरआरआर' या सिनेमाला आजवर अनेक पुरस्कारांनी सन्मानित करण्यात आले आहे. अनेक आंतरराष्ट्रीय पुरस्कार सोहळ्यात या सिनेमाने बाजी मारली आहे. सर्वत्र या सिनेमाचे कौतुक होत आहे.
'आरआरआर' या सिनेमात राम चरण आणि ज्युनियर एनटीआर मुख्य भूमिकेत आहेत. हा सिनेमा मार्चमध्ये तेलुगू, तामिळ, कन्नड, मल्याळ आणि हिंदीत सिनेमागृहात प्रदर्शित झाला होता. एसएस राजामौलींनी या सिनेमाच्या दिग्दर्शनाची धुरा सांभाळली आहे.
संबंधित बातम्या