Ganpat Movie Release Date : टायगर श्रॉफ आणि कृती सेननचा गणपत सिनेमा 23 डिसेंबर 2022 ला प्रदर्शित होणार आहे. या चित्रपटाची निर्मीतीसंस्था पूजा एंटरटेनमेंट आहे. या सिनेमाचे दिग्दर्शन विकास बहल यांनी केले आहे. 


टायगर श्रॉफने मागील महिन्यात 'गणपत' सिनेमाचा टीजर सोशल मीडियावर शेअर केला होता. त्या टीजरमध्ये टायगर दु:खी दिसून आला होता. टायगरने इंस्टाग्रामवर टीजर शेअर करत लिहिले होते,  गणपत सिनेमा 23 डिसेंबर 2022 ला प्रदर्शित होणार आहे. तसेच त्यानेपोस्ट शेअर करत लिहिले होते, "उसकी हटेगी तो सबकी फटेगी, आरेला है गणपत, तैयार रहना!" हा चित्रपट दोन भागांमध्ये प्रदर्शित करण्यात येणार आहे. टीजरमधला टायगरचा लूक खूपच जबरदस्त होता. त्याच्या चाहत्यांना देखील त्याचा हा लूक प्रचंड भावला होता.


कृती सेनन दिसणार मुख्य भूमिकेत


चित्रपटातील मुख्य भूमिकेसाठी कृती सेननची निवड झाली आहे. ती देखील चित्रपटात अॅक्शन करताना दिसून येणार आहे. याआधीहीटायगर आणि कृतीची जोडी हिरोपंती सिनेमात दिसून आली होती. त्या दोघांच्या जोडीवर त्यांच्या चाहत्यांनी भरभरून प्रेम केले होते. 
चित्रपटातील तिच्या पात्राचे नावदेखील जाहीर झाले आहे. ती जस्सी नावाचे पात्र साकारणार आहे. टायगरने या आधीही अनेक अॅकशन सिनेमांमध्ये काम केले आहे. बागी, बागी2, बागी 3, हीरोपंती, मुन्ना मायकल अशी या सिनेमांची नावे आहेत. ज्यात तो करत असलेले 
धमाकेदार अॅकशन चाहत्यांना खूपच भावले होते. 


कृतीने सोशल मीडियावर लिहिले होते, मी पुन्हा एकदा लाडक्या टायगर श्रॉफ सोबत दिसून येणार आहे. हा चित्रपट करण्याचे ठरल्यापासूनच शूटिंगची प्रचंड उत्सुकता होती. या चित्रपटात मला एका बिनदास्त मुलीचे पात्र साकारण्याची संधी मिळाली आहे. ती मोटरसायकलदेखील चालवते.


चित्रपटात टायगर श्रॉफ आणि कृती सेननसोबत दिसतील हे कलाकार
चित्रपटात टायगर आणि कृतीच्या निवडप्रकियेनंतर आणखी कोणते कलाकार असतील त्याबाबत अनेक अंदाज लावले जात होते. नोरा फतेही आणि नुपुर सेनॉनचे नावही चर्चेत होती. पण नंतर त्या भूमिकेसाठी अली अवरामची निवड करण्यात आली. अली अवराम गणपतमध्ये
महत्तवाच्या भूमिकेत दिसून येणार आहे. या चित्रपटाचे चित्रिकरण लंडनमध्ये होणार होते. निर्मात्यांनी कोरोना संकट विचारात घेऊन पटकथेत बदल केलेला आहे. 


लवरकच होणार अनेक बॉलिवूड सिनेमे प्रदर्शित
राज्यसरकारने सिनेमागृहे सुरु करण्याची परवानगी दिल्यापासून अनेक निर्मिती संस्थांनी आपल्या सिनेमाच्या तारखा जाहिर केल्या आहेत. त्यामुळे प्रेक्षकांना आता सिनेमागृहात जाऊन सिनेमे बघण्याची संधी मिळणार आहे. काही बॉलिवूड सिनेमांच्या तारखादेखील सारख्याच
आहेत. त्यामुळे हे बड्या स्टार्सचे सिनेमे आमनेसामने येणार आहेत.