Kartik Aaryan Dhamaka Trailer Out: बॉलिवूडचा अभिनेता कार्तिक आर्यन त्याच्या आगामी सिनेमांमुळे चर्चेत आहे. अशातच त्याचा चित्रपट 'धमाका'चा ट्रेलर प्रदर्शित झाला आहे. हा ट्रेलर चाहत्यांच्या पसंतीस उतरला आहे. याआधी कार्तिकने चित्रपटाचा टीजर दिमाखात शेअर केला होता. चित्रपटाचा ट्रेलर पाहिल्यानंतर प्रेक्षकांना सिनेमाची उत्सुकता लागली आहे.
Kartik Aaryan in Reporter Role : कार्तिक आर्यनचा 'धमाका' चित्रपट हा कोरियन चित्रपट 'द टेरर लाइव'चा हिंदी रिमेक असणार आहे. कार्तिक यात अर्जुन पाठक या नावाजलेल्या पत्रकाराच्या भूमिकेत दिसून येणार आहे. हा चित्रपट भारतीय पत्रकारितेवर आधारित असणार आहे. या चित्रपटाचे दिग्दर्शन राम माधवानी यांनी केले असून रॉनी स्क्रूवाला यांनी याची निर्मीती केली आहे. हा चित्रपट थिएटरमध्ये प्रदर्शित होणार नसून नेटफ्लिक्सवर रिलीज होणार आहे.
Kartik Aaryan Upcoming Movies : कार्तिक आर्यनचे अनेक चित्रपट सध्या पाइपलाईनमध्ये आहेत. कियारा आडवाणी सोबतचा 'भूल भूलैया', 'सत्यनारायण की कथा', 'फ्रेडी', 'कॅप्टन इंडिया' आणि समीर विध्वसांच्या आगामी चित्रपटाचा देखील यात समावेश असेल. काही दिवसांपूर्वी त्याला करण जौहरच्या 'दोस्ताना 2' मधून काढून टाकले होते. त्या चित्रपटात कार्तिक आर्यनच्या जागी आता खिलाडी अक्षय कुमार दिसणार आहे.