मुंबई : अभिनेत्री नर्गिस फाक्री प्रेग्नंट असल्याची चर्चा गेल्या काही दिवसांपासून बॉलिवूडमध्ये जोर धरत होती. या चर्चांवर खुद्द नर्गिसनेच मौन सोडलं आहे. मी प्रेग्नंट नाही, असं ट्विटरवर जाहीर करताना नर्गिसने अफवेला खतपाणी घालणाऱ्यांचे कान टोचले आहेत. मुंबई विमानतळावरील नर्गिसचे फोटो शुक्रवारी सोशल मीडियावर पाहायला मिळाले होते. ब्लॅक ड्रेसमध्ये नर्गिसचं 'सो कॉल्ड' बेबी बम्प दिसत असल्याचं अनेकांनी म्हटलं. विशेष म्हणजे फोटोत नर्गिस तोंड लपवत असल्यामुळे या चर्चांना आणखी उधाण आलं.

उदय चोप्रा आणि नर्गिस फाक्रीचं व्हॉट्सअॅपवरुन ब्रेकअप?

अखेर या चर्चांना पूर्णविराम देण्यासाठी नर्गिसने ट्विटरचा मार्ग निवडला. मी गर्भवती नसून खाण्यामुळे वजन वाढल्याचं तिने स्पष्ट केलं. 'कदाचित हे हॅमबर्गर बेबी असेल. प्लीज हॅमबर्गलरला सांगू नका.' असं नर्गिसने स्वतःचा फोटो शेअर करत लिहिलं. https://twitter.com/NargisFakhri/status/901305905567993856 काही महिन्यांपूर्वी नर्गिस आणि उदय चोप्रा मालदीवला ट्रीपला गेल्यामुळे दोघं विवाहबंधनात अडकल्याच्या अफवांना ऊत आला होता. मात्र नर्गिसने या सगळ्या चर्चाही उडवून लावल्या होत्या.

उदय चोप्रासोबत लग्नाबाबत नर्गिस फाक्री म्हणते...

गेल्या वर्षी नर्गिसची मानसिक अवस्था बरी नसल्याचं म्हटलं जात होतं. नर्गिसला उदयशी लग्न करण्याची इच्छा होती, मात्र उदयने तिची मागणी धुडकावल्याने तिला मानसिक त्रास झाला. त्यामुळे तिने देश सोडून अमेरिकेत काही काळ घालवणं पसंत केल्याचं म्हटलं गेलं.