कृति सेननच्या 'या' फोटोची फॅन्समध्ये चर्चा

कृती सेनेन सध्या लक्ष्मण उत्तेकर दिग्दर्शित चित्रपट 'मिमी'च्या शुटिंगमध्ये बीझी आहे. याव्यतिरिक्त येणाऱ्या दिवसांत 'हीरोपंती 2', 'बच्चन पांडे' आणि 'हाउसफुल 5' मध्येही कृती दिसून येणार आहे.

नवी दिल्ली : अभिनेत्री कृति सेननने इन्स्टाग्रामवर आपला एक फोटो शेअर केला आहे. ज्यामध्ये तिच्या खांद्यावर एक टॅटू दिसत आहे. कृतिचा हा टॅटू अजून पूर्ण दिसत नसला तरी चाहत्यांनी मात्र लाईक्सचा वर्षाव केला आहे. कृतीच्या टॅटू वाला फोटो समोर आल्यापासून कृतीचे फॅन्स अद्याप समजू शकलेले नाहीत की, तिच्या टॅटूचा अर्थ नेमका काय आहे. हा फोटो शेअर करताना कृतीने लिहिलं आहे की, 'काहीतरी नवीन करण्याची सुरुवात आहे.'

कृतीचा हा टॅटू 'K' या अक्षराप्रमाणे दिसत आहे, जे कृतीच्या नावाचं पहिलं अक्षर आहे. पण तिने या टॅटूला एक रहस्यप्रमाणे ठेवलं आहे. कारण तिने फोटोमध्ये टॅटू 'व्ही' प्रमाणे दाखवलं आहे. तिने आपल्या टॅटूच्या पोस्टमध्ये हॅशटॅग 'इंक्ड' जोडला आहे.

दरम्यान, या टॅटूचा अर्थ काय आहे? आणि खरचं कृतीला या टॅटूपासून एखाद्या नव्या निर्णयाची सुरुवात करायची आहे? असे प्रश्न उपस्थित करणं म्हणजे, कदाचित घाई होऊ शकते. कृतीचे चाहते मात्र तिच्या पोस्टमुळे खरचं विचारात पडले आहेत. खरं काय आहे हे तर कृतीच सांगू शकते. सोशल मीडियावर कृती सेनन नेहमी अॅक्टिव्ह असल्याचं पाहायला मिळतं. तसेच ती नेहमी सोशल मीडियावरून आपल्या चाहत्यांना अनेक गोष्टिंची माहिती देत असते.

दरम्यान, कृतीच्या आगामी चित्रपटांबाबत बोलायचे झालं तर काही दिवसांपूर्वी ती ऐतिहासिक चित्रपट पानीपतमध्ये दिसली होती. बॉलिवूड अभिनेता अर्जुन कपूरसोबत कृतीने स्क्रिन शेअर केली होती. सध्या लक्ष्मण उत्तेकर दिग्दर्शित चित्रपट 'मिमी'च्या शुटिंगमध्ये बीझी आहे. याव्यतिरिक्त येणाऱ्या दिवसांत 'हीरोपंती 2', 'बच्चन पांडे' आणि 'हाउसफुल 5' मध्येही कृती दिसून येणार आहे.

संबंधित बातम्या :