Bhumi Pednekar Trolled for Fashion : बॉलिवूड अभिनेत्री भूमी पेडणेकर तिच्या अभिनयासोबतच तिच्या फॅशन सेन्समुळेही चर्चेत असते. भूमी पेडणेकरचे स्टायलिश लूक अनेकदा लक्ष वेधून घेतात. आता पु्न्हा एकदा भूमी तिच्या फॅशनमुळे चर्चेत आली आहे. अलिकडेच एका अवॉर्ड शोमध्ये भूमी पेडणेकर स्टायलिश लूकमध्ये दिसली. पण, तिचा हा लूक व्हायरल होताच नेटकऱ्यांनी तिला ट्रोल करण्यास सुरुवात केली आहे.
'नागिण' भूमी पेडणेकरची अतरंगी फॅशन
अभिनेत्री भूमी पेडणेकरने GQ बेस्ट ड्रेस्ड अवॉर्ड्समध्ये हजेरी लावली. या पुरस्कार सोहळ्यात भूमीने एथनिक ड्रेसला फॅशनचा स्पेशल टच देत खास लूक कॅरी केला होता. पण, तिचा हा अतरंगी लूक पाहून नेटकऱ्यांना मोठा धक्काच बसला. सोशल मीडियावर लोकांनी करत तिला ट्रोल करायला सुरुवात केली. GQ बेस्ट ड्रेस्ड अवॉर्ड्समध्ये भूमी पेडणेकरने साप गुंडाळलेला अतरंगी ड्रेस घातला होता. मग काय नेटकऱ्यांनी यावरुन तिला खूप ट्रोल करायला सुरुवात केली.
भूमी पेडणेकर सोशल मीडियावर ट्रोल
अभिनेत्री भूमी पेडणेकर अवॉर्ड शोमध्ये भूमी पेडणेकरही अशा अतरंगी अवतारात दिसली. त्यानंतर यूजर्सनी तिच्यावर जोरदार टीका केली. नेटकरी तिला खूप वाईट पद्धतीने ट्रोल करत आहेत. रेड कार्पेटवर व्हाईट कलरची आर्मर साडी घातली होती, ज्यामध्ये छातीवरील बाजूला दोन साप होते. यासोबतच तिने हातात काचेच्या मोठ्या बांगड्या घातल्या होत्या.
भूमीची फॅशन पाहून नेटकऱ्यांना आली उर्फीची आठवण
भूमीने इंस्टाग्रामवर कॅप्शनसह तिच्या या कस्टम स्नेक ब्रेस्टप्लेट साडीतील लूकचे फोटो शेअर केले आहेत. यामध्ये तिने कॅप्शनमध्ये लिहिलंय, सिंड्रेला तिच्या आर्मरमध्ये तयार आहे #GQBestDressed2024. भूमीचा हा अतरंगी लूक नेटकऱ्यांच्या पसंतीस उतरलेला नाही. या लूकमधील तिचे फोटो आणि व्हिडीओ व्हायरल झाल्यानंतर लोकांना मोठा धक्का बसला आहे. आता लोक भूमी पेडणेकरची तुलना उर्फी जावेदशी करू लागले आहेत.
भूमी पेडणेकरच्या लूकवर नेटकऱ्यांची प्रतिक्रिया
व्हायरल व्हिडीओ पाहिल्यानंतर एका यूजरने कमेंट करत लिहिलं की, 'असं असेल तर उर्फी यापेक्षा चांगली आहे'. एकाने लिहिलंय म्हणाला, 'मला वाटतं उर्फीचा ड्रेसिंग सेन्स हिच्यापेक्षा चांगला आहे. व्हायरल व्हिडीओवर कमेंट करताना दुसऱ्या यूजरने लिहिलंय, 'बुलेट प्रूफ नाग.' आणखी एक नेटकरी म्हणाला, 'हे भगवान हरी कृष्ण जगन्नाथम् प्रेमानंद, तू काय घातलं आहेस?' एकजण म्हणाला, 'हा काय मूर्खपणा आहे?' दुसऱ्याने लिहिलंय,'फॅशनच्या नावावर काहीही... का पण का, गरज काय होती?'
महत्त्वाच्या इतर बातम्या :