Bhool Bhulaiyaa 2 Worldwide Box Office : बॉलिवूड अभिनेता कार्तिक आर्यनचा (Kartik Aaryan) 'भूल भुलैया 2' (Bhool Bhulaiyaa 2) हा सिनेमा 20 मे रोजी सिनेमागृहात रिलीज झाला असून आजही या सिनेमाचा बॉक्स ऑफिसवर चांगलाच दबदबा पाहायला मिळत आहे. या सिनेमाने जगभरात 230 कोटींची कमाई केली आहे.
कार्तिक आर्यनने एक पोस्टर शेअर करत सिनेमाच्या कमाईसंदर्भात एक पोस्ट शेअर केली आहे. 'भूल भुलैया 2' या सिनेमाने जगभरात 230.75 कोटींची कमाई केली आहे. पोस्टर शेअर करत कार्तिकने चाहत्यांचे आभार मानले आहेत. कार्तिकने लिहिले आहे, 'भूल भुलैया 2' हा सिनेमा आजही तुम्ही सिनेमागृहात जाऊन पाहू शकता. सिनेमागृहात जाऊन नक्की पाहा."
कार्तिक आर्यनच्या 'भूल भुलैया 2' हा सिनेमा सिनेमागृहात चांगलाच धुमाकूळ घालत आहे. हा सिनेमा लवकरच 250 कोटींचा टप्पा पार करेल, अशी शक्यता वर्तवली जात आहे. 'भूल भुलैया 2'च्या यशाने या सिनेमाचा निर्माता भुषण कुमारने कार्तिक आर्यनला एक महागडी आलिशान कार भेट दिली होती. या आलिशान कारची किंमत 4 कोटी होती.
'भूल भुलैया 2' ओटीटीवर रिलीज!
'भूल भुलैया 2' हा सिनेमा नेटफ्लिक्स या ओटीटी प्लॅटफॉर्मवर प्रदर्शित झाला आहे. त्यामुळे आता हा सिनेमा प्रेक्षकांना घरबसल्या पाहायला मिळत आहे. प्रेक्षकांना घरबसल्या मनोरंजनाची मेजवानी मिळाली आहे. ओटीटी प्लॅटफॉर्मवर सिनेमा प्रदर्शित झाल्यानंतरदेखील बॉक्स ऑफिसवर हा सिनेमा धमाका करत आहे. कार्तिक आर्यनची रूह बाबा ही भूमिका प्रेक्षकांच्या पसंतीस उतरली आहे.
'भूल भुलैया 2' मध्ये कार्तिक आर्यनने रूह बाबा ही भूमिका साकारली आहे. 2007 मध्ये रिलीज झालेल्या भूल भुलैया चित्रपटाचा हा दुसरा भाग आहे.भूल भुलैया चित्रपटाच्या पहिल्या भागामध्ये अक्षय कुमार, अमिशा पटेल, विद्या वालन आणि शाइनी आहूजा या कलाकारांनी प्रमुख भूमिका साकारली होती. भूल भूलैया-2 मध्ये कार्तिक आर्यनसोबतच तब्बू, कियारा अडवाणी आणि राजपाल यादव यांनी प्रमुख भूमिका साकारली आहे.
संबंधित बातम्या