Bhai Ka Birthday Song Teaser: Antim सिनेमातील Bhai Ka Birthday गाण्याचा टीजर प्रदर्शित, Salman Khan आणि Aayush Sharma आमने-सामने

Bhai Ka Birthday Song Teaser Video: सलमान खान आणि आयुष शर्माचा आगामी अंतिम (Antim) सिनेमा लवकरच प्रदर्शित होणार आहे. सिनेमातील 'भाई का बर्थडे' गाण्याचा टीजर प्रदर्शित करण्यात आला आहे.

Salman Khan And Aayush Sharma Movie New Song Bhai Ka Birthday Teaser: सलमान खान (Salman Khan) आणि आयुष शर्मा (Aayush Sharma) चा आगामी 'अंतिम-फायनल ट्रुथ' (Antim-The Final Truth) सिनेमा येत्या 26 नोव्हेंबरला बॉक्स ऑफिसवर धुमाकुळ घालणार आहे. एक महिन्याआधी सिनेमातील 'विघ्नहर्ता' गाणे प्रदर्शित करण्यात आले होते. नुकतेच सिनेमातील दुसरे गाणेदेखील प्रदर्शित करण्यात आले आहे. अंतिम सिनेमातील दुसऱ्या गाण्याचे बोल आहेत,"भाई का बर्थडे"(Bhai Ka Birthday). या गाण्यावर आयुष शर्मा थिरकताना दिसून येणार आहे. तेच सलमान खान वर्दीमध्ये एन्ट्री करणार आहे. गाण्यात सलमान आणि आयुष आमने-सामने धमाकेदार डान्स करताना दिसून येणार आहे. 

'अंतिम' सिनेमातील 'भाई का बर्थडे' हे गाणे एक पार्टी सॉन्ग आहे. 'भाई का बर्थडे' या गाण्याला काही वेळातच एक लाखापेक्षा अधिक व्ह्यूज मिळाले आहेत. एकंदरीतच या गाण्याला प्रेक्षकांचा उत्तम प्रतिसाद मिळतो आहे. तर या सिनेमातील नवे गाणे 1 नोव्हेंबरला प्रदर्शित होणार आहे. या गाण्यातदेखील सलमान आणि आयुषची जोडी प्रेक्षकांना पाहायला मिळणार आहे.

                                                                                                        

'अंतिम' सिनेमात सलमान खान एका पोलिस ऑफिसरच्या भूमिकेत दिसून येणार आहे. राजवीर सिंह असे त्या पोलिसाचे नाव आहे. तर सिनेमात आयुष शर्मा एका गुंडाच्या भूमिकेत दिसून येणार आहे. सलमान खान आणि आयुष शर्माची जोडी पहिल्यांदाच या सिनेमाच्या माध्यमातून प्रेक्षकांना पाहायला मिळणार आहे. मोठ्या पडद्यावर दोघांना एकत्र बघण्यासाठी चाहतेदेखील उत्सुक आहेत. 

सलमान खान आणि आयुष शर्माच्या 'अंतिम' सिनेमातून छोट्या पडद्यावरची 'मकवाना बर्डे' पहिल्यांदाच मोठ्या पडद्यावर पदार्पण करणार आहे. महिमा सिनेमात आयुष शर्माच्या विरुद्ध असणार आहे. तर सलमान खानच्या विरोधात एकही अभिनेत्री नसेल. याआधी 'वीरगती' आणि 'औजार' सिनेमातदेखील सलमानबरोबर एकही अभिनेत्री दिसून आलेली नव्हती.