Baipan Bhaari Deva Marathi Movie Pramotion : 'बाईपण भारी देवा' (Baipan Bhaari Deva) हा सिनेमा प्रेक्षकांच्या भेटीसाठी सज्ज आहे. सध्या या सिनेमाचं जोरदार प्रमोशन सुरू आहे. या सिनेमाची घोषणा झाल्यापासून हा सिनेमा चर्चेत आहे. आता हटके प्रमोशनमुळे हा सिनेमा पुन्हा एकदा चर्चेत आला आहे.
मराठी मनोरंजनसृष्टीला पडली रील स्टारर्सची भूरळ
'बाईपण भारी देवा' या आगामी मराठी सिनेमाचं प्रमोशन एका वेगळ्या पद्धतीने करण्यात येत आहे. 'आजाओ दिखा दुंगा' असं म्हणत रील्सच्या विश्वात अल्पावधीतच लोकप्रिय झालेला प्रॉपर्टी गुरू भावेशच्या ट्रीकचा वापर करत 'बाईपण भारी देवा' या सिनेमाचं प्रमोशन करण्यात आलं आहे.
भावेशचे रील व्हिडीओ सोशल मीडियावर चांगलेच व्हायरल झाले आहेत. बड्या सेलिब्रिटींसह फॉरेनर्सनीदेखील त्याचे रील बनवले आहेत. आता 'बाईपण भारी देवा' या सिनेमांनी भावेशच्या स्टाईलचा वापर कपत रील बनवले आहे. त्यांचे रील सध्या सोशल मीडियावर व्हायरल होत आहे. या व्हिडीओमध्ये सिनेमातील कलाकार म्हणत आहेत,"कॉलेजच्या मैत्रिणीसोबत सिनेमा पाहायचाय....आ जाओ, दिखा देंगे, हत्तीवर बसून सिनेमा बघणार...आ जाओ, दिखा देंगे, 'बाईपण भारी देवा' सिनेमा पाहायचाय...आ जाओ, दिखा देंगे".
भावेश ज्या पद्धतीने नेटकऱ्यांना त्यांचं स्वप्न साकार करण्यासाठी मदत करतो अगदी त्याचप्रकारे प्रेक्षकांची इच्छा पूर्ण करण्याचा प्रयत्न 'बाईपण भारी देवा' हा सिनेमा करेल असं म्हटलं जात आहे. केदार शिंदे (Kedar Shinde) यांनी या सिनेमाच्या दिग्दर्शनाची धुरा सांभाळली आहे. रोहिणी हट्टंगडी,वंदना गुप्ते,सुकन्या मोने,शिल्पा नवलकर,सुचित्रा बांदेकर आणि दीपा परब अशी या सिनेमाची तगडी स्टारकास्ट आहे.
'बाईपण भारी देवा' आता प्रेक्षकांचे भरभरुन मनोरंजन करण्यासाठी सज्ज झाला आहे. 30 जून 2023 रोजी हा सिनेमा सिनेमागृहात प्रदर्शित होणार आहे. 'बाईपण भारी देवा' हा सिनेमा प्रत्येक स्त्रीला आता स्वतःसाठी जगायला शिकवणार आहे.
'बाईपण भारी देवा' या सिनेमाच्या ट्रेलर लॉन्च दरम्यान अशोक सराफ म्हणाले," सिनेमातील सहा अभिनेत्रींना एकत्रित पडद्यावर काम करताना पाहणं ही प्रेक्षकांसाठी मोठी मेजवानी आहे. या सगळ्या अभिनेत्रींनी आतापर्यंत जे उत्तम काम अभिनयात केलंय ते खूप मोठं आहे म्हणूनच मी देखील चित्रपट पडद्यावर पाहण्यासाठी उत्सुक आहे. बाईपण भारी देवा चित्रपट बॉक्सऑफिसवर उत्तम कामगिरी करेल, लोकांना हा चित्रपट आवडेल अशी मला आशा आहे."
संबंधित बातम्या