Baipan Bhaari Deva: 'बाई पण भारी देवा' (Baipan Bhaari Deva) हा चित्रपट सध्या बॉक्स ऑफिसवर धुमाकूळ घालत आहे. या चित्रपटामधील गाणी, चित्रपटामधील कलाकारांचा अभिनय प्रेक्षकांची मनं जिंकत आहे. अनेक प्रेक्षक आणि सेलिब्रिटी या चित्रपटाचं कौतुक करत आहेत. अभिनेते महेश मांजरेकर (Mahesh Manjrekar) यांनी एक खास व्हिडीओ सोशल मीडियावर शेअर करुन बाईपण भारी देवा या चित्रपटाचं कौतुक केलं आहे. 


महेश मांजरेकर यांनी शेअर केला व्हिडीओ


महेश मांजरेकर यांनी 1 जुलै रोजी एक व्हिडीओ शेअर केला होता. या व्हिडीओच्या माध्यामातून त्यांनी बाईपण भारी देवा चित्रपटाचे कौतुक केले. ते म्हणाले, 'मी पाहिला आहे हा चित्रपट हा चित्रपट खूप छान आहे. बाईपण भारी देवा म्हणजे बायकांचा सिनेमा आहे, असं तुम्हाला वाटेल. पण असं नाहीये.हा सिनेमा पुरुषांनी बघणं देखील गरजेचं आहे. प्रेक्षकांचे अभिनंदन, कारण तुम्ही हे पटवून दिलं आहे की, मराठी चित्रपटांना प्रेक्षक येत नाहीत हे सगळं अफवा आहे, चांगला सिनेमा असेल तर तुम्ही येता. ' महेश मांजरेकर यांनी या व्हिडीओला कॅप्शन दिलं, 'भारीच आहे बाबा हा सिनेमा!'


पाहा व्हिडीओ: 






 






 बाईपण भारी देवा चित्रपटाची स्टार कास्ट


 

रोहिणी हट्टंगडी (Rohini Hattangadi), वंदना गुप्ते (Vandana Gupte), सुकन्या मोने (Sukanya Mone), सुचित्रा बांदेकर (Suchitra Bandekar), शिल्पा नवलकर (Shilpa Navalkar) आणि दीपा परब (Deepa Parab) या अभिनेत्रींनी बाईपण भारी देवा (Kedar Shinde)  या चित्रपटात प्रमुख भूमिका साकारली आहे. या चित्रपटाचं दिग्दर्शन केदार शिंदे यांनी केलं आहे. हा चित्रपट सध्या बॉक्स ऑफिसवर धुमाकूळ घालत आहे. हा चित्रपट 30 जून रोजी प्रेक्षकांच्या भेटीस आला.

 

संबंधित बातम्या


Baipan Bhaari Deva: 'ऐन उन्हाळ्यात हा चित्रपट...'; बाईपण भारी देवा चित्रपटाबाबत संजय मोने यांची खास पोस्ट