Badshah Wedding Update : लोकप्रिय गायक आणि रॅपर बादशाह (Badshah) सध्या चर्चेत आहे. रॅपर दुसऱ्यांदा लग्नबंधनात अडकणार असल्याची बातमी समोर आली आहे. गर्लफ्रेंड ईशा रिखीसोबत (Isha Rikhi) बादशाह लग्न करणार असल्याचं म्हटलं जात आहे.
एप्रिलमध्येच बादशाह करणार दुसरं लग्न
बादशाह गेल्या अनेक दिवसांपासून ईशाला डेट करत आहे. दोघांचं एमकेमांवर प्रेम असून आता ते लग्नबंधनात अडकणार आहेत. मीडिया रिपोर्टनुसार, बादशाह आणि ईशा याच महिन्यात लग्न करणार आहेत. अद्याप दोघांनीही लग्नासंदर्भात अधिकृत भाष्य केलेलं नाही. पण बादशाहसोबत काम करणाऱ्या एका व्यक्तीने यासंदर्भात माहिती दिली आहे.
बादशाह आणि ईशाच्या लग्नाच्या चर्चांना आता सुरुवात झाली आहे. बादशाहच्या घरी आता लग्नसोहळ्याच्या तयारीला सुरुवात झाली आहे. रॅपरने याआधी जॅस्मीन मसीहसोबत 2017 साली लग्न केलं होतं. पण त्यांचं नातं फार काळ टिकू शकलं नाही. अखेर 2020 साली त्यांनी विभक्त होण्याचा निर्णय घेतला.
बादशाह आणि ईशा एका कॉमन फ्रेंडच्या पार्टीत पहिल्यांदा एकमेकांना भेटले. पुढे त्यांच्यात चांगली मैत्री झाली आणि मैत्रीचं रुपांतर प्रेमात झालं. मीडिया रिपोर्टनुसार, उत्तर भारतातील एका गुरुद्वारामध्ये बादशाह आणि ईशा लग्न करणार आहेत. कुटुंबीय आणि जवळच्या मित्र-मंडळींच्या उपस्थितीत त्यांचा लग्नसोहळा पार पडणार आहे.
रॅपरची होणारी पत्नी ईशा कोण आहे? (Who is Isha Rikhi)
बादशाहची होणारी पत्नी ईशा रिखी ही पंजाबी अभिनेत्री आणि मॉडेल आहे. पंजाबी सिनेसृष्टीच्या माध्यमातून ईशाने अभिनयक्षेत्रात पदार्पण केलं आहे. तिने 'जट्ट बॉयज पुट जट्टन दे','हॅपी गो लकी' आणि 'मेरे यार कमीने' सारख्या सिनेमांत काम केलं आहे. पंजाबी सिनेसृष्टीत आपल्या अभिनयाची छाप सोडल्यानंतर ईशाने 2018 साली 'नवाबजादे' या सिनेमाच्या माध्यमातून हिंदी सिनेसृष्टीत पदार्पण केलं.
बादशाहचं खरं नाव आदित्य प्रतीक सिंह सिसोदिया असं आहे. तो अनेकदा वैयक्तिक आयुष्यामुळे चर्चेत असतो. बादशाहच्या लाल गेंदा फूल, पानी पानी जुगनु, हाय गरमी, लेट्स नाचो या गाण्यांना प्रेक्षकांची पसंती मिळाली आहे. बादशाहची एकूण संपत्ती 37 कोटी रुपये आहे. बादशाहचा मोठा चाहतावर्ग आहे.
संबंधित बातम्या