Anek OTT Release : बॉलिवूड अभिनेता आयुष्मान खुरानाचा (Ayushmann Khurana) 'अनेक' (Anek) सिनेमा आता ओटीटी प्लॅटफॉर्मवर प्रदर्शित होणार आहे. हा सिनेमा आता नेटफ्लिक्स (Netflix) या ओटीटी प्लॅटफॉर्मवर प्रदर्शित होणार आहे. नेटफ्लिक्सने नुकतीच यासंदर्भात माहिती दिली आहे.
'अनेक' सिनेमा 27 मे ला सिनेमागृहात प्रदर्शित झाला होता. अनुभव सिन्हाने या सिनेमाच्या दिग्दर्शनाची धुरा सांभाळली होती. पण हा सिनेमा बॉक्स ऑफिसवर मात्र फ्लॉप झाला. सिनेमागृहात रिलीज झाल्याच्या चार आठवड्यानंतर सिनेमा ओटीटी प्लॅटफॉर्मवर रिलीज होत असतो. त्यामुळे हा सिनेमा 24 जूनच्या आसपास ओटीटीवर रिलीज होणार आहे.
अनुभव सिन्हाने 'अनेक' सिनेमाचे दिग्दर्शन केले आहे. हा सिनेमा आधी 31 मार्च रोजी प्रदर्शित होणार होता. पण कोरोनामुळे सिनेमाची रिलीज डेट पुढे ढकलण्यात आली होती. त्यानंतर या सिनेमाची रिलीज डेट पुढे ढकलण्याचा निर्णय निर्मात्यांनी घेतला. 'अनेक' सिनेमात आयुष्मान खुराना जोशुआची भूमिका साकारत आहे. या सिनेमानंतर आयुष्मान अभिनेत्री रकुल प्रीत सिंहच्या 'डॉक्टर जी' सिनेमात झळकणार आहे. हा सिनेमा 17 जून 2022 रोजी रिलीज होणार आहे.
संबंधित बातम्या