Atrangi Re : साराचा 'अतरंगी रे' सिनेमा पाहिल्यानंतर Saif Ali Khan ला अश्रू अनावर

एबीपी माझा वेब टीम Updated at: 27 Dec 2021 05:32 PM (IST)

Edited By: मंजिरी पोखरकर

Atrangi Re : सारा अली खान, अक्षय कुमार आणि धनुषचा आगामी 'अतरंगी रे' सिनेमा सध्या प्रेक्षकांच्या पसंतीस पडत आहे.

सारा-सैफ

Saif Ali Khan Reaction after watching Sara Ali Khan Atrangi Re : सारा अली खान (Sara Ali Khan), अक्षय कुमार (Akshay Kumar) आणि धनुषचा (Dhanush) 'अतरंगी रे' (Atrangi Re) सिनेमा 24 डिसेंबरला प्रदर्शित झाला आहे. हा सिनेमा ओटीटी प्लॅटफॉर्मवर प्रदर्शित झाला असून त्याला चांगला प्रतिसाद मिळत आहे. या सिनेमात साराने रिंकूची भूमिका साकारली होती. सिनेमाची कथा आणि साराच्या भूमिकेचे प्रेक्षक कौतुक करत आहेत. सैफ अली खानला साराचा 'अतरंगी रे' सिनेमा पाहताना अश्रू अनावर झाले होते.

'अतरंगी रे' सिनेमातील साराचे काम पाहून सैफ स्वत:ला रोखू शकला नाही. सारादेखील सैफकडून होणारे कौतुक ऐकून भावूक झाली होती. 'अतरंगी रे' सिनेमाचे दिग्दर्शन आनंद एल रायने केले आहे. तर हिंमाशु शर्माने या सिनेमाचे लेखन केले आहे. दाक्षिणात्य सुपरस्टार धनुष अनेक दिवसांनी हिंदी सिनेमात दिसणार आहे. सारा अली खान आणि धनुषची जोडी प्रेक्षकांच्या पसंतीस पडली आहे. ए आर रहमानने (A R Rahman) 'अतरंगी रे' सिनेमातील 'चका चक' हे गाणे संगीतबद्ध केले आहे. तर इरशाद कामिल यांनी या गाण्याचे बोल लिहिले आहेत.

सारा अली खान इंदौरमध्ये करत आहे शूटिंग
'अतरंगी रे' नंतर सारा तिच्या पुढील सिनेमाच्या शूटिंगमध्ये व्यस्त आहे. सारा इंदौरमध्ये विकी कौशलसोबत पुढील सिनेमाचे शूटिंग करत आहे. साराच्या आगामी सिनेमात सारा आणि विकीची जोडी प्रेक्षकांच्या भेटीला येणार आहे.

संबंधित बातम्या