Atif Aslam Video: पाकिस्तानी गायक आतिफ अस्लम (Atif Aslam) हा त्याच्या गाण्यांनी प्रेक्षकांची मनं जिंकतो. आतिफ अस्लमनं बॉलिवूड चित्रपटांमधील गाणी देखील गायली आहेत. आतिफ हा विविध लाईव्ह कॉन्सर्टमध्ये परफॉर्म करतो.नुकत्याच एका लाईव्ह कॉन्सर्टदरम्यान आतिफ अस्लमसोबत एक घटना घडली. या घटनेचा व्हिडीओ सोशल मीडियावर व्हायरल झाला आहे. हा व्हिडीओ व्हायरल झाल्यानंतर अनेक लोक आतिफ अस्लमचं कौतुक करत आहेत.
लाईव्ह कॉन्सर्टमध्ये आतिफ अस्लम हा 'क्या से क्या हो गए देखते देखते' हे गाणं परफॉर्म करत होता. त्याच्या परफॉर्मन्सदरम्यान एका चाहत्याने आतिफ अस्लमवर पैसे उधळले. आतिफ अस्लमनं परफॉर्मन्स थांबवला आणि त्या चाहत्याला स्टेजच्या जवळ येण्याची विनंती केली. त्यानंतर आतिफ हा त्या चाहत्याला म्हणतो, 'माझ्या मित्रा, हे सर्व पैसे दान कर, माझ्यावर टाकू नकोस. हा फक्त पैशाचा अपमान आहे.'
पाहा व्हिडीओ:
लाईव्ह कॉन्सर्टमधील आतिफ अस्लमचा हा व्हिडिओ व्हायरल होत आहे. हा व्हिडीओ व्हायरल झाल्यानंतर आतिफ अस्लमचे चाहते त्याचे कौतुक करत आहेत.
आतिफ अस्लमची गाणी
तू जाने ना, तेरा होने लगा हूं, तेरे संग यारा, दिल दियां गल्लां, तेरे बिन, वो लम्हे वो बातें, पिया ओ रे पिया या आतिफ अस्लमच्या गाण्यांना प्रेक्षकांची विशेष पसंती मिळाली. आतिफ अस्लम हा सोशल मीडियाच्या माध्यमातून त्याच्या आगामी गाण्यांची माहिती चाहत्यांना देतो. आतिफ अस्लमला इन्स्टाग्रामवर 7.4 मिलियन फॉलोवर्स आहेत. तसेच विविध ठिकाणी आतिफ अस्लमच्या लाईव्ह कॉन्सर्टचे आयोजन देखील केले जाते.
इतर महत्वाच्या बातम्या: