Aryan Khan 24th Birthday: बॉलिवूडचा किंग खान अर्थात शाहरुख खानचा (Shahrukh Khan) मुलगा आर्यन खानचा (Aryan Khan) आज वाढदिवस आहे. आर्यनने आज 24 व्या वर्षात पदार्पण केले आहे. आर्यनचा यंदाचा वाढदिवस शाहरुख थोड्या वेगळ्या पद्धतीने साजरा करणार आहे. आर्यन यंदा त्याचा वाढदिवस त्याच्या कुटुबियांसोबत घरी म्हणजे 'मन्नत'मध्येच साजरा करणार आहे. आर्यन अवघ्या 24 वर्षांचा असून क्रूझ ड्रग्ज प्रकरणामुळे आर्यनच्या आयुष्यात वादळ आले होते. पण आता आर्यन हळूहळू या सगळ्यातून बाहेर पडत आहे.
शाहरुख खान नेहमी आर्यनचा वाढदिवस धुमधडाक्यात साजरा करत असतो. आर्यनच्या प्रत्येक वाढदिवसाचा माहोल वेगळा असतो. ग्रॅंड सेलिब्रेशनमध्ये आर्यनचा वाढदिवस साजरा होत असायचा. पण आर्यनचा हा 24 वा वाढदिवस अगदी साध्या पद्धतीने साजरा होणार आहे. आर्यनने हा वाढदिवस त्याच्या कुटुंबियांसोबत साजरा करण्याचे नियोजन शाहरुखने केले आहे. आर्यनचे आतापर्यंतचे सगळे वाढदिवस शाहरुखने खास पद्धतीने साजरे केले होते. आर्यनच्या वाढदिवसानिमित्त शाहरुख त्याला विदेशात फिरायला पाठवायचा, नवनवीन गॅजेस्ट भेट द्यायचा आणि आर्यनचा वाढदिवस खास करायचा.
शाहरुख आर्यनचा यंदाचा वाढदिवस अलिबागमध्ये साजरा करणार नाही. अलिबागला गेल्याने आर्यनच्या अडचणींत वाढ होऊ शकते त्यामुळे शाहरुखने मन्नतमध्ये वाढदिवसाच्या कार्यक्रमाचे आयोजन केले आहे.
शाहरुखचे आगामी सिनेमे
शाहरुख 'जीरो' सिनेमात शेवटचा दिसला होता. या सिनेमाचे दिग्दर्शन आनंद एल राय यांनी केले होते. या सिनेमाला लोकप्रियतेचे शिखर गाठता आले नव्हते. शाहरुख लवकरच सिद्धर्थ आनंदच्या 'पठान' सिनेमात दिसून येणार आहे.
संबंधित बातम्या
Aryan Khan at NCB : आर्यन खान मुंबईच्या एनसीबी कार्यालयात दाखल, काय आहे कारण ?
Operation WhatsApp : मुंबई क्रूझ ड्रग्ज प्रकरणात एबीपीचा मोठा खुलासा; NCB चा छापा पडण्यापूर्वीच केपी गोसावीनं रचलेलं षडयंत्र
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha