Malaika Arora Birthday: बॉलिवूडची फिटनेस क्वीन मलायका अरोरा (Malaika Arora) ही नेहमीच तिच्या स्टाईलने प्रेक्षकांची मनं जिंकते. आज मलायकाचा 48 वा वाढदिवस आहे. अनेक सेलिब्रिटींनी तसेच चाहत्यांनी सोशल मीडियावर खास पोस्ट शेअर करुन मलायकाला शुभेच्छा दिल्या आहेत. अभिनेता अर्जुन कपूरनं (Arjun Kapoor) देखील खास पोस्ट शेअर केली आहे. त्याच्या या पोस्टनं अनेकांचे लक्ष वेधले आहे.
अर्जुननं शेअर केली पोस्ट
अर्जुन कपूरनं मलायकासोबतचा एक खास फोटो सोशल मीडियावर शेअर केला आहे. या फोटोमध्ये मलायका आणि अर्जुनचा रोमँटिक अंदाज दिसत आहे. अर्जुननं मलायकासोबतचा फोटो शेअर करुन कॅप्शनमध्ये लिहिलं, "वाढदिवसाच्या शुभेच्छा बेबी! हा फोटो आमचा आहे. तू माझ्या आयुष्यात हसू, आनंद आणि लाईट आणते. गोंधळातही मी नेहमी तुझ्या पाठीशी असेन"
मलायका अरोराने तिच्या इंस्टाग्रामवर तिच्या 48 व्या वाढदिवसानिमित्त काही खास फोटो पोस्ट केले आहेत. पहिल्या फोटोमध्ये मलायका एका हातात ड्रिंक घेऊन बसलेली आहे. या फोटोमध्ये एका भिंतीवर हॅपी बर्थडे लिहिलेलं दिसत आहे.
गेल्या काही महिन्यांपासून अर्जुन आणि मलायका हे एकमेकांना डेट करत आहेत. अर्जुन आणि मलायका यांच्यामधील वयाच्या अंतरामुळे अनेक वेळा नेटकरी त्यांना ट्रोल करतात. अर्जुन हा मलायकापेक्षा 11 वर्षांनी लहान आहे. पण हे कपल ट्रोलर्सकडे लक्ष न देता एकमेकांसोबतचे रोमँटिक फोटो सोशल मीडियावर शेअर करत असतात. काही दिवसांपूर्वी सोशल मीडियावर अर्जुन आणि मलायका यांच्या ब्रेकअपची चर्चा सुरु होती. अशातच आता अर्जुननं मलायकाच्या वाढदिवसाला पोस्ट केल्यानंतर या चर्चेला पूर्णविराम दिला आहे.
मलायका ही बॉलिवूडमधील फिटनेस फ्रिक अभिनेत्रींपैकी एक आहे. 'छैय्या छैय्या', मुन्नी बदनाम हुई डार्लिंग तेरे लिए या गाण्यांमुळे मलायकाला विशेष लोकप्रियता मिळाली.
इतर महत्वाच्या बातम्या:
Malaika Arora: नटून थटून पुरस्कार सोहळ्याला पोहोचली मलायका; श्रेया बुगडेला पाहिल्यानंतर म्हणाली...