Arbaaz Khan-Malaika Arora Divorce : मलायकासोबत घटस्फोटानंतर ट्रोल झाला होता अरबाज; दिले सडेतोड उत्तर

बॉलिवूडमधील प्रसिद्ध अभिनेत्री मलायका आरोरा आणि अभिनेता अर्जुन कपूरच्या अफेअरची चर्चा सध्या सोशल मीडियावर सुरू आहे.

Arbaaz Khan-Malaika Arora Divorce : बॉलिवूडमधील प्रसिद्ध अभिनेत्री मलायका आरोरा आणि अभिनेता अर्जुन कपूरच्या अफेअरची चर्चा सध्या सोशल मीडियावर सुरू आहे. मलायका आणि अभिनेता अरबाज खान यांनी लग्नानंतर 19 वर्षांनी घटस्फोट घेण्याचा निर्णय घेतला होता. 1998 साली अरबाज आणि मलायकाचे लग्न झाले. त्यानंतर 2017 मध्ये त्यांचा घटस्फोट झाला. लग्नाआधी दोघांनीही जवळपास 5 वर्षे एकमेकांना डेट केले होते.  त्या दोघांना अरहान नावाचा मुलगा आहे.  एका मुलाखतीमध्ये अरबाजने घटस्फोटानंतरच्या ट्रोलिंगला उत्तर दिले होते. 

ट्रोलर्सला अरबाजचं उत्तर 

अरबाजने मुलाखतीमध्ये सांगितले, 'कदाचित फॅन्स आणि फॉलोवर्स काही कपल्सला जास्त पसंती देतात आणि त्यांना असे वाटते की या जोड्यांनी नेहमीसोबत राहावे.  दोन लोक आयुष्यात सोबत राहून आनंदी राहण्यासाठी एकत्र राहात असतात. पण असे नेहमी होत नाही. पण याचा अर्थ असा नाही की आम्ही वाईट लोक आहोत.' अरबाज पुढे म्हणाला, 'मला वाटते की, तुम्ही जसे आहात तसेच आनंदी राहा. दुसरे लोक माझ्याबद्दल काय बोलतात, याचा मी माझ्या जीवनावर फरक पडू देत नाही. माझ्या रिलेशनबद्दल किंवा वैयक्तिक आयुष्याबद्दल बोलणाऱ्या लोकांकडे मी लक्ष देत नाही. '

मलायकासोबतचे रोमॅंटिक फोटो अर्जुन सोशल मीडियावर नेहमी शेअर करत असतो. मलायका देखील सोशल मीडियावर अॅक्टिव्ह असते. वेगवेगळ्या लूकमधील फोटो ती शेअर करत असते. काही दिवसांपूर्वी अर्जुन आणि मलायकाच्या लग्नाची चर्चा सुरू होती. या चर्चेबद्दल एका मुलाखतीमध्ये अर्जुनला विचारण्यात आले. त्यावेळी अर्जुनने उत्तर दिले, 'माझा लग्न करण्याचा निर्णय मी कधीच लपवणार नाही. पण लग्नाबद्दल अजून तरी काही विचार केला नाही आणि केला तरी तो सर्वांना सांगेन, लपवणार नाही.'