Entertainment News : अंशू अंबानीची सध्या सोशल मीडियावर बरीच चर्चा होत आहे. अंशू अंबानी सोशल मीडियावर अजूनही ट्रेंडिंग टॉपिक आहे. अंशू अंबानीचं नाव तुम्ही ऐकले असेल मात्र आता बाहुबली प्रभाससोबत तिचे फोटो व्हायरल होत आहेत. त्यामुळे तिचा सोशल मीडियावर शोध घेत आहेत. तर जाणून घेऊया कोण आहे अंशू अंबानी
अंशु अंबानी ही टॉलीवूड इंडस्ट्रीमध्ये खूप लोकप्रिय अभिनेत्री आहे. तिने 17 वर्षांपूर्वी फिल्मी जगताला निरोप दिला होता. मात्र आता ती सिनेसृष्टीत परतत आहे. त्रिविक्रम श्रीनिवास यांनी अंशू अंबानी हिच्यासोबत एका चित्रपटासाठी चर्चा केल्याचे वृत्त आहे. लवकरच ही अभिनेत्री मोठ्या पडद्यावर दिसणार आहे. अंशू अंबानी या चित्रपटात ज्युनियर एनटीआर सोबत दिसणार आहे, असं बोललं जात आहे. अद्याप याची अधिकृत घोषणा झालेली नाही.
अंशू अंबानी 2002 मध्ये नागार्जुनच्या मनमाधुदू (Manmadhudu) चित्रपटात दिसली होती. या चित्रपटाची पटकथा त्रिविक्रम यांनी लिहिलेली आहे. आता पुन्हा त्यांना अंशुसोबत काम करण्याची इच्छा आहे. याशिवाय अंशु आणि प्रभास यांनी राघवेंद्र (Raghavendra) या चित्रपटात एकत्र काम केले आहे. प्रभाससोबतच्या या चित्रपटातील त्यांचे फोटो आता व्हायरल होत आहेत. या चित्रपटानंतर अंशू ग्लॅमरच्या दुनियेपासून दूर होती.
अंशू अंबानी हिने 2003 मध्ये लग्न केले आणि आता तिला एक मुलगी आहे. अंशू अंबानीच्या कमबॅकची बातमी ऐकून चाहते आनंदीत आहेत. त्यामुळे सोशल मीडियावर तिची सतत चर्चा होत आहे.