Animal Release Date Changed : बॉलिवूड अभिनेता रणबीर कपूर (Ranbir Kapoor) आणि रश्मिका मंदाना (Rashmika Mandanna) गेल्या काही दिवसांपासून 'अॅनिमल' (Animal) या सिनेमामुळे चर्चेत आहेत. हा सिनेमा 11 ऑगस्टला प्रेक्षकांच्या भेटीला येणार आहे. पण आता या सिनेमाची रिलीज डेट पुढे ढकलण्यात आली आहे.
'अॅनिमल' कधी होणार रिलीज? (Animal Release Date)
'अॅनिमल' (Animal) हा रणबीर कपूर (Ranbir Kapoor)आणि रश्मिका मंदानाचा (Rashmika Mandanna) बिग बजेट सिनेमा आहे. संदीप रेड्डी वांगा (Sandeep Reddy Vanga) यांनी या सिनेमाच्या दिग्दर्शनाची धुरा सांभाळली आहे. हा बहुचर्चित सिनेमा 11 ऑगस्टला सिनेमागृहात प्रदर्शित होणार होता. पण आता या सिनेमाची रिलीज डेट पुढे ढकलली आहे. आता हा सिनेमा डिसेंबर महिन्यात प्रेक्षकांच्या भेटीला येणार आहे.
'या' कारणाने रिलीज डेट ढककली पुढे
रणबीर कपूर आणि रश्मिका मंदानाचा 'अॅनिमल' हा सिनेमा 11 ऑगस्टला रिलीज होणार नाही. अद्याप या सिनेमाच्या पोस्ट प्रोडक्शनचं काम पूर्ण न झाल्याने निर्मात्यांनी रिलीज डेट पुढे ढकलण्याचा निर्णय घेतला आहे. तसेच या सिनेमाचं थोडं शूटिंगदेखील पूर्ण झालेलं नाही.
'अॅनिमल' या सिनेमासह सनी देओलचा 'गदर 2' आणि अक्षय कुमारचा 'ओएमजी 2'देखील रिलीज होणार आहे. 'गदर 2', 'ओएमजी 2' आणि 'अॅनिमल' या सिनेमांची बॉक्स ऑफिसवर टक्कर होणार होती. त्यामुळे रणबीरने त्याच्या सिनेमाची रिलीज डेटही पुढे ढकलली, असा अंदाज वर्तवला जात आहे.
'अॅनिमल' हा सिनेमा आता 1 डिसेंबर 2023 रोजी प्रेक्षकांच्या भेटीला येणार आहे. या सिनेमात रणबीर कपूरसह बॉबी देओल, रश्मिका मंदाना आणि अनिल कपूर मुख्य भूमिकेत आहे. या सिनेमात प्रेक्षकांना अॅक्शनचा तडका पाहायला मिळणार आहे.
'अॅनिमल'मध्ये रणबीर कपूर एका वेगळ्याच भूमिकेत दिसणार आहे. या सिनेमातील रणबीर कपूरची भूमिका ही त्याच्या आतापर्यंतच्या त्याने साकारलेल्या भूमिकेपेक्षा फार वेगळी आहे. रणबीर कपूरचा अॅनिमल हा सिनेमा टी-सीरीज, मुराद खेतानी, सिने1 स्टुडिओ आणि प्रणय रेड्डी यांच्या प्रॉडक्शन हाऊस भद्रकाली पिक्चर्स यांनी संयुक्तपणे तयार केला आहे.
संबंधित बातम्या