Animal Box Office Collection Day 16: अभिनेता रणबीर कपूरचा (Ranbir Kapoor) 'अॅनिमल' (Animal) हा चित्रपट रिलीज होऊन दोन आठवड्यांपेक्षा जास्त दिवस झाले आहेत. 1 डिसेंबर रोजी प्रदर्शित झालेल्या संदीप रेड्डी वंगाच्या (Sandeep Reddy Vanga) या चित्रपटाची चर्चा गेल्या काही दिवसांपासून होत आहे. या चित्रपटातील रणबीर कपूर आणि बॉबी देओलच्या अभिनयाचे अनेक जण कौतुक करत आहेत. या चित्रपटातील अॅक्शन सीन्स आणि डायलॉग्स प्रेक्षकांचे लक्ष वेधत आहेत. अशातच आता या चित्रपटानं रिलीजच्या 16 व्या दिवशी देखील बॉक्स ऑफिसवर धुमाकूळ घातला आहे. जाणून घेऊयात या चित्रपटाच्या कलेक्शनबाबत...
'अॅनिमल'चे कलेक्शन (Animal Box Office Collection)
sacnilk च्या सुरुवातीच्या रिपोर्टनुसार, अॅनिमल या चित्रपटाने 16 व्या दिवशी 13 कोटी रुपयांची कमाई केली आहे. या चित्रपटाचे आतापर्यंतचे एकूण कलेक्शन 498.14 कोटींवर पोहोचले आहे. त्यामुळे हा चित्रपट 500 कोटींच्या क्लबमध्ये लवकरच सामील होणार आहे, असं म्हटलं जात आहे. अॅनिमल या चित्रपटानं रिलीजच्या पहिल्याचं दिवशी 63.8 कोटींची कमाई केली होती.
बॉक्स ऑफिसवर अॅनिमल आणि विकी कौशलच्या 'सॅम बहादुर' यांच्यामध्ये टक्कर झाली. या दोन्ही चित्रपटांना प्रेक्षकांचा चांगला प्रतिसाद मिळाला आहे. पण रणबीर कपूरचा अॅनिमल या चित्रपटानं 'सॅम बहादुर' या चित्रपटापेक्षा जास्त कमाई केली आहे.
'अॅनिमल' कोणत्या ओटीटी प्लॅटफॉर्मवर होणार रिलीज? (Animal OTT Release)
पिंकव्हिलाच्या रिपोर्टनुसार, 'अॅनिमल' हा सिनेमा 2024 च्या सुरुवातीला ओटीटी प्लॅटफॉर्मवर रिलीज होणार आहे. नेटफ्लिक्स या ओटीटी प्लॅटफॉर्मवर अॅनिमल हा चित्रपट रिलीज केला जाईल, असं म्हटलं जात आहे. पण अजून नेटफ्लिक्सनं याबाबत कोणतीही अधिकृत माहिती दिलेली नाही.
गाण्यांनी मिळाली नेटकऱ्यांची पसंती
जमाल कुडू, सतरंगा,हुआ मैं,सारी दुनिया जला देंगे, अर्जन वैली या अॅनिमल या चित्रपटामधील गाण्यांना प्रेक्षकांची पसंती मिळाली आहे. या गाण्यांवरील रिल्स अनेक नेटकरी सोशल मीडियावर शेअर करत आहेत.
'अॅनिमल' या चित्रपटातील कलाकारांच्या अभिनयानं प्रेक्षकांची मनं जिंकली. तसेच चित्रपटातील रणबीर कपूर (Ranbir Kapoor) आणि तृप्ती डिमरी (Tripti Dimri) यांच्या इंटिमेट सीन्सची चर्चेचा सोशल मीडियावर झाली.
वाचा इतर महत्वाच्या बातम्या: